اعترافات قاتلة صديقتها بالبحيرة: كنت في المصيف بفكر أنتقم منها ازاي عشان مخنوقة منها
نواصل نشر نص اعترافات نورهان جميل سعد قتاية، المتهمة وآخرين بقتل صديقتها نجلاء نعمه الله بدوي، سكرتيرة طبيب العيون، والقضية المعروفة إعلاميا بـ«فتاة المول» التي لقيت مصرعها في 3 أغسطس الجاري داخل العيادة التي تعمل بها بمول سفير التجاري بمدينة كفر الدوار بمحافظة البحيرة، وحدد رئيس محكمة استئناف الإسكندرية جلسة 6 أكتوبر المقبل أولي محاكمة المتهمين الثلاثة.
س: ما سبب تجدد الفكرة لديكي بقتل المتوفاة إلى رحمة مولاها؟
ج: هي الفكرة مكانتش راحت احنا بس كنا بندور علي طريقة لتنفيذها في يوم كنت مع أهلي في البحر في العجمي بس كنت مخنوقة ومتضايقة من نجلاء، ومش ببطل تفكير فيها وانتقامي منها وكانت دايما تتصل تنكد عليا ومخليه علاقتي بخطيبي وحشة، وساعتها قررت اتصل بمصطفي تاني علشان نروح ونخلص منها وهو ساعتها إن هو هيجيب محمد عشماوي يساعدنا في الموضوع.
س: وما علاقتك بالمدعو محمد عشماوي وهل توجد خلافات؟
ج: هو جارنا من البلد وقرينا من بعيد.
س: وهل المتهم محمد عشماوي على علم بالخلاف فيما بينك والمتوفاة إلى رحمة مولاها؟
ج: لا هو ميعرفش أنا اتفقت مع مصطفي إنه میقلوش أن الموضوع يخصني وأنه هو يبقي حلقة الوصل بيننا.
س: وما سبب اشتراك المتهم محمد عشماوي في تلك الواقعة؟
ج: عشان ياخد فلوس.
س: وما هو مقدار ذلك المبلغ المالي تحديدا؟
ج: هو مصطفي اتفق معاه على مبلغ خمسمائة جنيه.
س: وهل كان المدعو محمد عشماوي علي علم بالخطة المسبقة لإزهاق روح المتوفاة إلى رحمة مولاها؟
ج: هو مصطفي كان متفق معاه إنه يجي معانا مقابل مبلغ خمسمائة جنيه بس أنا معرفش طبيعة الاتفاق بينهم وصل لحد فين لأن الكلام كان بينهم بس.
س: هل من المنطق أن يوافق المتهم محمد عشماوي على الاشتراك بارتكاب الجريمة مقابل ذلك المبلغ الزهيد؟
ج: أنا معرفش علشان أنا محضرتش الاتفاق فيما بينهم.
س: وهل قمتم بالتقابل فيما بينكم جميعا؟
ج: لا أنا ومصطفى كنا بنتكلم ومحمد ومصطفى كانوا بيتكلموا.
س: وما مضمون الاتفاق الذي تم فيما بينكم؟
ج: اتفقنا إني أروح العيادة وأحطلها كذا برشامة في العصير ومحمد ومصطفى يطلعوا يحطوا لزق علي بوقها عشان متصرخش ويخنقوها وننزل بعد منقطع سلوك الكاميرات ونكسرها.
س: وما هي الأعمال التحضيرية لتنفيذ ذلك المخطط؟
ج: أنا حضرت لاصق طبي ومقص ونصل كتر من البيت وصامولة حديد من محل بابا بتاع حديد وبويات في معتوق وشريط البرشام اللي كان معايا من قبل كدا وعصير.
س: ما الموعد المتفق عليه لتنفيذ ذلك المخطط؟
ج: احنا اتفقنا ننفذ يوم الثلاثاء 3 أغسطس.
س: وما سبب اختياركم لذلك الموعد؟
ج: لأن الدكتور بيكون مش موجود في العيادة في اليوم دا.
س: كيف نما إلى علمك ذلك؟
ج: لأن انا كنت بروح لنجلاء العيادة كتير وساعات بشتغل مكانها لما بيكون وراها مشوار أو حاجة.
س: وما الدور المتفق عليه فيما بين كل منكم في ارتكاب تلك الواقعة؟
ج: هو المفروض إني أنا كنت أديها المخدر وهما يطلعوا يحطوا اللاصق علي بقها عشان متصرخش ونموتوها.
