حسن شاكوش ينصح البحراوي: «أعمل شغل من دماغك.. وبلاش إفيهات التكاتك والميكروباصات»
هاجم مطرب المهرجانات حسن شاكوش، المطرب رضا البحراوي بعد المشاجرة الأخيرة التي نشبت بينهما يوم الجمعة الماضية، خلال الحفل الذي جمعهما في الساحل الشمالي.
وقال حسن شاكوش، لرضا البحراوي في لايف نشره عبر موقع التواصل الاجتماعي «فيس بوك»: «أنا مش بطلع أغني أغاني حد، أنت مش ليك أغاني ولا عندك سي في، لإن الأغاني اللي بتغنيها مش بتاعتك، وإحنا جينا على نجاح مش على البايظ، ولو شوفت الأرقام بتاعتي هتتخض، أنا غنيت مع نجوم كبار زي أحمد سعد، ومش عايز أغني مع حد تاني».
حسن شاكوش
تابع شاكوش: «دماغك دماغ صهيوني عشان تقول أنا معرفش حاجة عن اللي بيترفع على قناتك على التيك توك، والغلط راكبك من ساسك لراسك، ولو على السب أنت اللي سبيت وجبت سيرتي بالاسم».
وأضاف: «أغنية واحدة من بتوعي بتاريخك كله، وأنا بطلع أغني شغلي، لكن مش باخد إيفيهات من على التكاتك والميكروباصات، اجتهد وهات فكر من دماغك وبلاش تعلق همومك على شماعة غيرك، وعمري ما سمعت ليك أغنية في الشارع مكسرة الدنيا، وأنت عارف إنك مش بتصرف على الأغاني عشان عارف أن أخرك الأغاني اللايف».
حسن شاكوش ورضا البحراوي
ونصح حسن شاكوش رضا البحراوي بالتحلي بالثقة بنفسه، قائلا: «لازم يبقى عندك ثقة في نفسك ولو على التاريخ والأرقام مش أنا اللي هقول، أنا مينفعش أقول أي لفظ غلط عشان خاطر عندي ناس متابعيني وبحترمهم، أنت لو عايز تقعد ماشي، لو مش عايز برضو براحتك، وشوف حياتك وشغلك، ولو اتكلمت عن الأرقام أنت اللي هتكون غلطان، لما هتعمل شغل من دماغك وقتها أنا هسقفلك».
