نجل شعبان عبد الرحيم: حسن شاكوش من جمهور رضا البحراوي ومينفعش يتكلم معاه بالأرقام
أعرب الفنان عدوية شعبان عبد الرحيم عن استيائه لما حدث مؤخرًا بين مؤدي المهرجانات حسن شاكوش، والمطرب رضا البحراوي، مشيرًا إلى أن شاكوش كان واحدًا من جمهور البحراوي، وما حدث بينهما خطأ، ولا يجب فعله خاصة أمام الجماهير.
علق عدوية شعبان عبد الرحيم على مشاجرة حسن شاكوش ورضا البحراوي، في تصريح خاص لـ«القاهرة 24»، قائلًا: حسن شاكوش كان من جمهور رضا البحراوي، ومينفعش دلوقتي لما يتكلم معاه يكلمه بلغة الأرقام، هو وعمر كمال لما بيتكلموا مع حد مبيتكلموش غير بالأرقام، ورصيدهم كله 10 أغاني.. الناس دي كلها كانت بتسمع أغاني رضا البحراوي، ومينفعش اللي بيحصل دلوقتي».
مشاجرة حسن شاكوش ورضا البحراوي وعدوية شعبان عبد الرحيم
الفنان عدوية شعبان عبد الرحيم وجّه رسالة لمؤدي المهرجانات حسن شاكوش، عبر حسابه الشخصي بموقع التواصل الاجتماعي فيس بوك، قائلًا: «حسن شاكوش أنت أخويا وأنا بحبك، بعيدًا عن الشغل، وأنا مش بنكر أنك عملت نجاحات في وقت صغير، بس لازم تفهم أن المهنة بتاعتنا فيها عمالقة في الفن، يعني ما ينفعش دكتور فاتح عيادة صغيرة، يغلط في الدكتور مجدي يعقوب».
وتابع عدوية شعبان عبد الرحيم حديثه قائلًا: «في حاجات ما ينفعش تجادلني فيها، أنا متأكد جدًا أنك كنت في يوم من الأيام، واحد من جمهور رضا البحراوي، فامتقللش من حد، عشان ماحدش يزعل منك».
حسن شاكوش ورضا البحراوي
وفي سياق منفصل، أصدرت نقابة المهن التمثيلية بيانًا، منذ قليل، قررت فيه وقف حسن شاكوش ورضا البحراوي عن العمل لمدة شهر، وذلك لما بدر منهما من كلمات بذيئة وإشارات إباحية أمام الجمهور، أثناء إحيائهما حفلًا غنائيًا في الساحل الشمالي.
