اختفاء مهندس الدقهلية قبل ولادة زوجته : نزل يجيب فلوس الولادة مارجعش
أثار اختفاء المهندس أحمد قبل ولادة زوجته بـ قرية ميت عنتر في محافظة الدقهلية الرعب بين الأهالى تبين أن المهندس المختفى يعمل مُعيدًا بكلية الهندسة جامعة المنصورة، كشفت أٌقوال زوجته أنه خرج من المنزل ولم يعد فى ظروف غامضة قبل يوم من ولادتها .
كشفت زوجة المهندس أحمد عاطف المختفي في تصريحات خاصة لـ موقع القاهرة 24، تفاصيل اختفائه قائلة: يوم الواقعة هو كان مسافر القاهرة وأنا حسيت بتعب وحسيت إني هولد وشعرت بآلام الولادة، ولكن مقولتلوش علشان يسافر ويخلص شغله، ولكن بلغني أنه هيجيب فلوس الولادة من واحد صاحبه ونزل وكل شوية كان بيطمن عليه لحد الساعة 12 ونص بالليل".
وأضافت زوجة المهندس أحمد عاطف المختفي: بالفعل اتحرك بالليل عشان يقابل صاحبه ويجيب منه فلوس، وبعدها بساعة بكلمه قالي عربية صاحبي عطلت عند كوبري الجامعة وأنا معاه، ودي كانت آخر مكالمة بينا والتليفون اتقفل.
وأكملت زوجة المهندس أحمد عاطف : حاولت أوصله بكل الطرق ولكن تليفونه دائمًا كان مقفول ومقدرتش أوصله لحد الساعة 9 ونص الصبح، فتحت اللاب الخاص بيه، وحاولت أجيب رقم صاحبه اللي كان معاه وبالفعل كلمته، ولكن قالي أنا ركبت تاكسي ومشيت من الساعة نحو 1 بليل، بعدها رحت عملت محضر والتحريات شغالة.
وتابعت زوجة المهندس أحمد عاطف : أحمد كان خيّر جدًّا وكل الناس هنا بتحبه ربنا يرجعه بالسلامة.. وبستغيث بالمسؤولين يرجعوا جوزي أنا نفسي أسمع صوته بس، وعايزاه يعرف إني خلفت كان نفسي يكون معايا ويشوف ابننا".
