أبرز تصريحات حسن شاكوش بعد قرار منعه من الغناء
علق مطرب المهرجانات حسن شاكوش على قرار إيقافه ومنعه من الغناء نهائيًا وسحب ترخيص مزاولته للمهنة، بعد التحقيق الذي عُقد أمس بمقر نقابة المهن الموسيقية مع حسن والمطرب الشعبي رضا البحراوي، بسبب الخلاف الذي وقع بينهما وبين حسن وفرقة رضا في حفل الساحل الشمالي.
وقال حسن شاكوش خلال مداخلة هاتفية مع الإعلامي أحمد موسى ببرنامج على مسئوليتي المذاع عبر شاشة قناة صدى البلد، الآتي:
- أنا طلعت اتأسفت قبل كده عن أي لفظ أنا قولته والناس سمعته.
- أنا مش بركز غير في شغلي وفي حياتي ومش بحب المشاكل.
- أنا كنت متعصب علشان كده قولت كلام من غير ما أكون مركز.
- دي أول مشكلة ليا وآخر مشكلة إن شاء الله.
- قولت جملة في الشتيمة فهمها الطبالين والعازفين إني بشتمهم هما علشان كدا عاملين توقيعات ضدي.
- معايا فرقة فيها عازفين وطبالين لو أنا هنتهم هبقى كمان هنت فرقتي لكن أنا بحترمهم جدًا من أصغر لأكبر طبال.
- أي مطرب من غير طبال أو عازف ولا حاجة.
- الجملة اللي قولتها بخصوص العازفين والطبالين شرحتها في النقابة ولا يمكن أن أحرج أي عازف أو طبال.
- اتفقت أنا ورضا البحراوي وقولنا في فيديو الصلح أننا هنتصالح رسمي في النقابة لأنها بيتنا الكبير.
- أنا دلوقتي أعتبر ابن من أبناء النقابة.
- أنا مع النقابة في أي حاجة وراضي بالقرار.
- بعتذر مرة أخرى للناس والجمهور ومش بعتذر علشان قرار النقابة أنا بتأسف لكل الناس ولجمهوري.
يذكر أن كلًّا من حسن شاكوش ورضا البحراوي، كانا قد مثلا أمام نقابة المهن الموسيقية اليوم، لإتمام صلحهما رسميًّا وللتحقيق معهما فيما جرى بينهما من تراشق بالألفاظ في أثناء المشاجرة.
