بعد استغاثتها.. حملة تضامن مع إيفون نبيل تجتاح السوشيال ميديا │ صور
بعد ساعات قليلة من بث البلوجر إيفون نبيل، فيديو عبر حسابها الخاص على فيسبوك، تستغيث فيه من عُنف زوجها لها، انتشر الفيديو بسرعة البرق بين رواد مواقع التواصل الاجتماعي، داعمين لها، حتى قامت الجهات الأمنية المعنية بالتحرك الفوري لإنقاذها.
قالت الفنانة حنان سليمان: ربنا ينجيكي يا إيفون نبيل.. أنا بدعم إيفون نبيل، بينما كتبت روان: دخلت أشوف اللايف اللي عملته إيفون نبيل وهي بتستغيث بحد ينقذها من جوزها قبل ما يهرب بعيالها وحابسها في شقتها.. وكتبت ع يوتيوب اسمها جالي فرحها وهي بتغني لجوزها أنا لك ع طول خليك ليا.. اللهم هون عليها يارب صدمتها، ويارب حد يلحق ينقذها.
فيما قالت مريم: إيفون نبيل من الشخصيات الجميلة، واللي بتقدم محتوى مفيد جدًا للبنات، وبتقول كلام إيجابي جميل.. وأنا بحبها أوي، تخيلوا تطلع بعد دا كله عايشة مع شخص بيدمرها نفسيا وبيحبطها رغم حب الناس لها لإنه مريض نفسي، عاملة فيديو بتعيط فيه وتطلب النجدة من جوزها لإنه بيقول إنه مسجلها.
ذكر حساب آخر باسم نانا: فيه واحده اسمها إيفون نبيل بتستغيث من جوزها على فيسبوك.. راجل مصري سي السيد بالظبط عايز مراته بالبيت متعملش حاجه غير الطبخ والكنس، اقعدي ربي عيالك يا إما هكسر تليفوناتك واقفل عليكي البيت.
بينما علقت تينا ناصر، قائلة: أنا فعلا صدقت أكثر ناس بتضحك دب أكثر ناس بتكون حزينة، وعندها مشاكل ما يعلم بيها إلا ربنا، بالإضافة إلى حنان ميكاوي، التي قالت: قطعت قلبي والله، فيمنا كتب حساب آخر: سبحان الله الناس ملهاش إلا الظاهر.. من يصدق إيفون اللي بتطلع تضحك وتهزر تبقى المشاعر المحبطة والانكسار ده كله جواها، ربنا يفك كربها.
