الكلاب تشعل خلافا بين سكان حدائق الأهرام على فيس بوك: اقتلوهم أو اعقروهم
انقسم سكان مدينة حدائق الأهرام إلى فريقين جراء الدعوات، التي أطلقها البعص بمناداة الجهات الطبية والأمنية في مصر، للتدخل الفوري والتخلص بأي طريقة من الكلاب المنتشرة في شوارع المدينة، لا سيما أنها تمثل تهديدا للسكان ولممتلكاتهم الخاصة وبدأت تهاجم المواطنين.
دعا أكثر من ساكن في صفحات حدائق الأهرام إلى ضرورة تدخل الطب البيطري بشكل مباشر، والقضاء على الكلاب حرصا على أرواحهم، خاصة أنها باتت تشكل خطرا داهما على المواطنين، وتسير في مجموعات كبيرة، وتصيب السكان بالذعر.
حسب منشورات للسكان عبر موقع التواصل الاجتماعي فيس بوك، فإنهم تواصلوا بالفعل مع مكتب شكاوى مجلس الوزراء، الذي أحال الأمر برمته إلى الطب البيطري للتدخل لحل المشكلة.
كتب صاحب الشكوى يدعى محمد ماهر، عبر صفحة تسمى مجلس أمناء حدائق الأهرام قائلا: «دلوقتي مسؤول مديرية الطب البيطري بالجيزة اتصل بي بعد الشكوى اللي قدمتها على تليفون شكاوى مجلس الوزارء وكلامه أن وسيلتهم هي قتل هذه الكلاب لكن لما بينزلوا فيه سكان بيتعدوا عليهم وبالتالي الحل إنهم لو نزلوا بحملة يبقى فيه عدد من السكان معاهم أو إبلاغ الرفق بالحيوان وكل اللي هيعمله في الرفق بالحيوان هو تعقيرهم».
دعوات لتعقيم الكلاب
تفاعل الكثير من السكان مع دعوة ماهر، وعلق إبراهيم مجدي قائلا: «اللى عايز الكلاب يخدهم بيته مالوش دخل بالشارع كترت أوى الكلاب بقو قطاع طرق والله»، بينما علق شخص يدعى إبراهيم ماجد قائلا: «أنا قدمت شكوى النهاردة بعد ما الكلاب هجمت على ابني وواحد عضه ورجله اتكسرت وهو في الجبس الآن، واتجهت إلى مستشفى الشيخ زايد وبناخد المصل ومعايا ما يثبت، وعندي استعداد أقف مع الطب البيطري لما ييجي يحل المشكلة بطريقتهم، أنا ساكن في ك وهانزل بوست لما الطب البيطري ييجي اللي عنده استعداد يقف يتواصل معايا».
في المقابل شن الرافضون للتخلص من الكلاب هجوما حادا على الداعين لذلك، معتبرين أن هذا الفعل غير إنساني وقانوني وأن الكلاب غير مؤذية بطبيعتها، ناهيك عن أن تواجدها يشكل توزانا بيئيا لا بد منه، للحماية من ظهور الثعابين وباقي الحيوانات الصحراوية الخطرة إلى المنازل.
وعلقت داليا علي، قائلة: «أنا ضد قتل الكلاب وكمان ضد وجودهم بس أحب اللي بيخوفوا الناس ويقول لو الكلاب موش موجوده هتطلع تعاتبين وحشرات وغيره وإحنا في صحرا ما دول الخليخ صحر ومفيش كلب في الشارع وعمرنا ما شفنا ثعابين ولا حشرات ولا غيره وجود الكلاب خطر على الناس، وبرضوا حرام يتم قلتهم فأفضل نشوف حل يريح الناس وفي نفس الوقت نحمي الكلاب، وياريت الناس اللي بتدافع تعمل حاجه على أرض الواقع هو موش اعتراض والسلام».
بينما اقترحت فتاة تدعى نيرة حلا قائلة: «عايز تتخلص من الكلاب.. يبقى بتعقيمهم.. مش بقتلهم.. مش متخيلة إني أنادي على كلب جعان وييجى فرحان بالأكل وهو مسموم وأشوفه بيتقطع قدامى ويتعذب لحد ما يموت.. إيه الخسة دى؟؟؟
فيه طرق إنسانية تانية غير القتل بالطريقة دى.. اتصلوا بجمعية الرفق بالحيوان تيجى تعقمهم أو تنقلهم إلى مكان تاني».
