ابنة صاحب مركب المنصورة الجانحة تستغيث بالرئيس: بابا بيتعذب كل يوم وراس ماله بيضيع
استغاثت ديانا سويلم، ابنة صاحب مركب المنصورة الجانحة، بالرئيس عبد الفتاح السيسي، لمساعدة والدها في الأزمة التي يعاني منها، بعدما مالت المركب الخاصة به يوم الخميس الماضي.
كتبت ديانا عبر حسابها الرسمي على إحدى مجموعات فيسبوك: أنا أول مرة أستغيث بجهات رسمية، بس قالولي إن لو كتبت هنا ممكن ألاقي حل لبابا صاحب مركب المنصورة المائلة في مدينة المنصورة.
وأضافت: «أنا بشوف بابا كل يوم بيتعذب ويمرض، بسبب إنه شايف ماله بيضيع قدام عينه ومحدش عايز يساعده من أجهزة المحافظة، وكل اللي بيعملوا محاضر ضده وبيصطنعوا مخالفات علشان يحموا نفسهم».
وجهت الفتاة حديثها للرئيس عبد الفتاح السيسي، قائلة: «ممكن حضرتك تساعد أبويا أرجوك، لأن شقى عمره بيضيع ومش عارف يعمل إيه، كل اللي بطلبه من حضرتك المحافظة تساعدنا في رفع الأذى عن بابا ويساعدوه بإنقاذ ماله، وللعلم والله بابا معه ورق وتراخيص سليمة وطلع عينه على ما تخلص من الروتين بتاع الموظفين وأخد التراخيص».
كانت مدينة المنصورة قد شهدت الخميس الماضي، حدوث ميل مفاجئ بمركب في نيل المدينة؛ مما أدى إلى حالة من الفزع والخوف بين جميع الركاب، وانتقلت الجهات المعنية إلى مكان الواقعة لاتخاذ الإجراءات اللازمة.
