فيفي عبده: كنت فاكرة الناس بتخلف من الركب لحد أما اتجوزت
تحدثت الفنانة فيفي عبده عن والدتها وتربيتها لها ولأخواتها، مشيرة إلى أن تربيتها كانت صارمة للغاية وكانت تضربها بالكرباج السوداني.
وأضافت فيفي عبده خلال لقائها مع الإعلامية وفاء الكيلاني في برنامج السيرة عبر قناة DMC: لما أبويا أتجوز على أمي بقيت هي الست والراجل.. كان قلبها بيتقطع علشان ست خدتها من أبويا، كانت بتضربنا أنا وأخواتي بالكرباج السوداني.
وأضافت: مرة لما رجعت من برة لقيتها ضاربة أختي ومكتفاها بعنف فظيع، اضطريت أفك أختي اترزعت حتة علقة، مع إني كنت طيبة أوي مش نمرودة أي حاجة بقبل بيها.
وأضافت فيفي عبده خلال لقائها في برنامج السيرة: عمري ما كنت بتنمرد وعوضت أمي وأخواتي بكل الدلع اللي في الدنيا.
وبسؤالها إذا كانت والدتها سببت لها عقدة نفسية، أجابت بالنفي، مشيرة إلى أن والدتها كانت تفعل ما تفعله دون قصد لكنها ربتها تربية صحيحة.
وأكدت فيفي عبده أنها لم تتبع أسلوب والدتها في تربية بناتها حيث لم تستخدم معهم أسلوب الضرب، قائلة: أنا مضربتش أولادي.. الضرب مش بيعلم.. لو بصيت لولادي خلاص يفهموا.
لحد ما اتجوزت كنت فاكرة الناس بتخلف من ركبها
وأردفت: أمي ما كنتش تقعدنا مع ناس كبار بيتكلموا وأنا عندي 10 سنين ما كنتش عارفة اسألها إحنا جينا إزاي، ولحد ما اتجوزت كنت فاكرة الناس بتخلف من ركبها.. هي فهمتنا كده، ما كنش فيه البجاحة اللي موجودة دلوقتي.. ما كنش فيه الميديا زي دلوقتي.
