أحمد زاهر وهنادي مهنا يطالبان بحذف الحسابات المزيفة على مواقع التواصل: تكون بالرقم القومي
أعربت الفنانة هنادي مهنا عن غضبها، بسبب التعليقات الهجومية التي تصدر من بعض الناس، على صورها التي تنشرها عبر حساباتها الخاصة بمواقع التواصل الاجتماعي، مطالبةً بحذف الحسابات المزيفة التي ليس بها عدد متابعون، أو منشورات، وأيدها في كلامها الفنان أحمد زاهر.
وقالت هنادي مهنا خلال استضافتها ببرنامج مساء dmc، مع الإعلامي رامي رضوان: ماكنتش متخيلة أن ممكن يحصل كده، مينفعش يتعمل أكونت مزيف، ممكن يكون ببطاقة، بالرقم القومي، أو الباسبور.
وأضافت هنادي مهنا: ويكون في مثلًا زي كلمات لو حد استخدمها في السوشيال ميديا، لو حد جرب يكتبها يتعمل له بلوك تلقائي، ويكون ده قانون، وأيد الفنان أحمد زاهر هذا الرأي مؤكدًا أنه يستاء من الحسابات الوهمية.
هنادي مهنا
وأشارت هنادي مهنا أنها تعرضت للتنمر عبر السوشيال ميديا كثيرًا قائلة: كلنا عيشنا التنمر على السوشيال ميديا، وكل الناس بتعدي بها، الناس مش بتحس إحنا بنحس بأيه لما نشوف كده، ناس مش عندها ضمير.
وأضافت معربةً عن غضبها: ده كمان طلع في ناس بتدفع فلوس لناس عشان تعمل كومنتس لناس أنا ماكنتش متخيلة كده، والناس دي بتاخد سيئات بسبب ده أكيد.
هنادي مهنا بطلة حدوتة كدبة كبيرة
وأعربت هنادي مهنا عن سعادتها بالمشاركة في حكاية كدبة كبيرة قائلة: الشغل حلو جدًا مع زاهر، والكواليس كان حلو جدًا، ونادر جدًا لما تلاقي جو حلو كده، صورنا في 8 أيام، كنت مش عاوزة أروح، ومرتاحة نفسيًا جدًا.
