بلطجية وحرامية.. فتاة تستغيث من تطبيق إن درايفر مصر inDriver: السواق قل أدبه
استغاثت فتاة أحد سائقي تطبيق إن درايفر مصر inDriver وادعت الفتاة وتدعى شيماء فهمى عز الدين أن سائق السيارة وجه لها السباب والشتائم أثناء استقلالها السيارة، وقالت عبر صفحتها على موقع التواصل الاجتماعي فيس بوك أنها تعرضت لواقعة بلطجة.
نص الاستغاثة من تطبيق إن درايفر مصر
ووصفت الفتاة سائقي تطبيق إن درايفر مصر inDriver، بأنهم بلطجية وحرامية في إشارة منها إلى تعامل السائق معها، حيث كان في غاية الاستفزاز، وحذرت الفتاة من استخدام تطبيق إن درايفر مصر inDriver.
نظرا لعدم وجود أي بيانات للسائق، بالإضافة إلى أن الشركة لا ترد على الشكاوى، مما يسهل ارتكاب السائقين جرائم سرقة وخطف.
وجاء نص استغاثة الفتاة شيماء فهمى عز الدين من تطبيق إن درايفر مصر inDriver : لو مستغنية عن حياتك اطلبي إن درايفر مصر inDriver أخطر مواصلة ممكن تركبيها في حياتك، أنا كنت بقول على كريم فيه سواقين شغالين معاهم حرامية لكن بقى فيه inDriver السواقين بلطجية كمان.
وتابعت الفتاة: كنت راكبة امبارح مع سواق فقد الشغف في نص الطريق وبيقولي وصلنا وهو في ميت غمرة وأنا رايحة محمود سالم قلت له إزاي ؟ ولسه في الابلكيشن موصلناش أصلا.. قعد يزعق قلت له أوك هنزل أخد تاكسي ومش هدفع لك حاجة اتجنن بقى ويعني إيه مش هتدفعي وقل أدبه واتحرك بالعربية وقالي خلاص هرجعك.
سائق ان درايفر رفض يوصلنى
وأشارت الفتاة إلى أن سائق إن درايفر inDriver طلع على كوبري وكان فيه واحد بتاع مرور واقف بيسحب الرخصة من واحد خد باله إني كنت هنده له راح نازل بسرعة من على الكوبري، وفى مكان فاضي مفهوش ناس عربيات قل أدبه وقعد يزعق هتدفعي الفلوس وهتنزلي هنا اديت له الفلوس ونزلت من العربية وبردو مستمر في قلة الادب حتى بعد ما اديت له الفلوس ونزلت.
لا يوجد بيانات لـ سائقى inDriver
وأضافت الفتاة: كنت مُنهارة صراحة واتصلت بـ بابا وقعدت اعيط.. الابلكيشن بقى زي الزفت مفيش رد ولا تعرفي تاخدي حقك عن طريقهم إطلاقًا واكتشفت أن أي حد يفتح الابلكيشن ويقدر يشتغل سواق ويركب ناس معاه يعني هم ميعرفوش مين ده أصلا.. حرامي بقى ولا مدمن مخدرات ولا بلطجي ايا كان المهم تركبي هم معندهمش بيانات أي حد وكدا وخلاص يعني ممكن تفتح الابلكيشن وتعمل switch من rider لdriver عادي جدا والابلكيشن ده مفهوش غير واحد اسمه أنور كل ما تبعت لهم حاجة يقعد يقول أي كلام ولا تعرف تاخد منهم حق ولا باطل وبيقولوا لي ملهمش رقم تليفون للتواصل ولا تعرف تاخد حق منهم ولا حد بيعبرك أصلا وناشدت الفتاة جهاز حماية المستهلك حتى يتم تقنين العمل فى إن درايفر مصر inDriver.
