حمو بيكا: اتظلمت كتير واللي ظلمني معاه سلطة وبيتحكم فيا | فيديو
وجّه مطرب المهرجانات حمو بيكا، رسالة لمنتقديه، مشيرًا إلى أنه تعرض لحملات ظلم كثيرة من قِبل أشخاص خلال الفترة الماضية.
قال حمو بيكا، في فيديو خلال برنامج ترابيزة ضمن قناة الشمس، إنه واجه العديد من الظلم، معقبًا: اتظلمت كتير، لما ربنا يرزقني ويجي شخص يشيل اللقمة اللي ربنا بعتهالي، وأنا مش لوحدي وفاتح بيوت ناس كتير ورا مني بتاكل عيش.
أضاف مطرب المهرجانات: هو معاه سلطة وبيتحكم فيا، لكن أنا معايا أقوى من السلطة، أنا معايا ربنا، بيجوا عليا وعلى لقمة عيشي.
تابع بيكا: بلدنا فيها حرية وتعبير عن الرأي، وأنا بعبر عن رأيي بالغنا، أنت مش حاببني مش حابب تسمعني ده رأيك أنت بس، أنا ليا جمهوري، وملايين بيسمعوني.
أزمات حمو بيكا
في سياق مختلف، رد حمو بيكا على الهجوم الكبير الذي تعرض له من الجمهور، بعدما قام بزيارة طفلة مريضة بالسرطان، قائلا: إنه زار الطفلة في منزلها لأنها تحبه، مشيرًا إلى أنه لم يطلب من أحد تصويره، مضيفًا: التفكير الرديء جدًا اللي بقي في الناس ده، ثالثًا أهلها صوروني عشان فرحتهم بوجودي مش لغرض الشو والمتاجرة بالمرض والكلام الهايف ده.
