السيسي: الإرهاب مش عايز تنمية بـ سيناء ولكن نجحنا في ذلك
قال الرئيس عبدالفتاح السيسي: "عايز أوضح للناس اللي بتتفرج علينا، نشوف نقل المياه عشان توصل للأماكن اللي هيتم زراعتها وهي شبكة الري، انتوا عرفتوا ليه الإرهاب في سيناء عشان دا ميتعملش الحرب حربين حرب البناء وحرب ضد الإرهاب".
أضاف خلال افتتاحه محطة معالجة مياه مصرف بحر البقر التي تعد الأضخم من نوعها على مستوى العالم بتكلفة نحو 20 مليار جنيه: "كل دا تكلفة بالمليارات عشان تبقى سيناء فيها تنمية حقيقة، عشان الإرهابيين مش عايزين".
شدّد الرئيس عبد الفتاح السيسي، رئيس الجمهورية، على أن الدولة لن تقبل بالممارسات السلبية من أجل مصلحتها.
قال الرئيس السيسي، خلال كلمته، منذ قليل، في افتتاح محطة معالجة مياه مصرف بحر البقر: "أنا مش بعرف أطنش على الغلط، لو بطنش كنت طنشت من 2011، ومفيش خصومة غير على الظلم، وأي حد يتعدى على أملاك الدولة.. 6 شهور وهتتشال كل حاجة غلط فيكي يا مصر".
في سياق متصل، قال السفير بسام راضي، المتحدث باسم رئاسة الجمهورية، إن رئيس الجمهورية، سيفتتح صباح اليوم، محطة معالجة مياه مصرف بحر البقر التي تعد الأضخم من نوعها على مستوى العالم بتكلفة تصل إلى 20 مليار جنيه وبطاقة إنتاجية 5.6 مليون متر مكعب في اليوم من المياه المعالجة ثلاثيًا، مضيفًا أنه سيتم نقلها إلى راضي شمال سيناء لتساهم في استصلاح 400 ألف فدان، وذلك في إطار المشروع القومي لتنمية سيناء ولتعزيز منظومة الاستخدام الأمثل للموارد المائية للدولة.
