فيفي عبده: مفيش حاجة اسمها راقصة مصر الأولى.. والمهم القبول عند الناس
وجّه الإعلامي نزار الفارس، سؤالًا للفنان فيفي عبده التي حلت ضيفًا اليوم في برنامجه مع الفارس يقول: من التي تستحق لقب راقصة مصر الأولى؟.
وردت فيفي عبده، موضحة أنه لا يوجد راقصة مصنفة الأولى في مصر، قائلة: مفيش راقصة مصر الأولى وليه نقعد نقول الأولى والتانية أصل مين يعني هيدي اللقب، اللي يهمنا أننا نكون مقبولين ومحبوبين عند الناس بس.
وتابعت أنها تتمنى أن يمدها الله بالصحة لتعيش مع أحفادها في سلام قائلة: بتمنى من ربنا يديني شوية عمر وصحة واعمل الحاجة اللي بحبها واقعد مع أحفادي وعايزة صدق أحفادي.
وعلقت فيفي عبده، على سؤال هل تسمح أن يكتب لقب راقصة على القبر بعد مماتها: يمكن أكون غلطانة في اللي بقوله ولكن اللفظ غلط وربنا هو اللي بيحاسب مش أنا ولا أنت ولا هخلي حد يحطلي لقب على القبر إطلاقًا، وبحب الرقص جدا ديما بقول سبحانك يارب وديما يديني طاقة إيجابية ومخلصة في عملي.
فيفي عبده
وتابعت فيفي عبده: أنا لو قابلت رب العالمين هقوله بحب الرقص أصلي مش هينفع أكون كدابة عليه لأن أنا من جوا بحبه، والطاقة الإيجابية عندي كاريزما من عند الله.
