أسماء مصطفى: هرجع أطلع لايف وأفيد غيري.. وطول مافيّ نفس هكمل الحياة
حرصت الإعلامية أسماء مصطفى على توجيه رسالة لجمهورها، تشكرهم من خلالها على دعمهم ودعواتهم لها في الفترة الماضية، بعد تعرضها للإصابة بمرض السرطان، مشيرةً إلى أنها سوف تشاركهم تجربتها مع هذا المرض، حتى تدعم جميع المرضى في محنتهم، ومؤكدةً أن الحياة لن تتوقف، وتستمر بكل ما فيها من فرح أو حزن.
وكتب أسماء مصطفى منشورًا، عبر حسابها الشخصي بموقع التواصل الاجتماعي فيس بوك، جاء فيه: «صباح الخيرعليكم جميعًا، من باب الفضفضة لأن الصفحة بالنسبة ليه هى المتنفس الوحيد، اللى كتير بعبر فيه عن إلى جوايا، لما بكتب بوست والاقي دعوات كتير الحمد لله بفرح أوي، لأن محدش عارف مننا دعوة مين مستجابة أسرع أو مين أقرب، كلنا بنحاول نجتهد وربنا المعين الشافي».
الحالة الصحية لـ أسماء مصفى
وتابعت أسماء مصطفى: «مش بيكون هدفي من البوست نفسي وبس، لا بقول يمكن كلامي يفيد غيري أو على الأقل يصبر حد، على ابتلائه لما يشوف ابتلاء شخص آخر، الحاجة الثانية أن الصفحة، وده من فضل ربنا عليها الالاف الناس، معرفش فيهم إلا عدد قليل جدًا، لكن بينا تواصل ومحبة وثقة لوجه الله، مش مجاملات بين أصدقاء أو معارف».
الإعلامية أسماء مصطفى
وأضافت أسماء مصطفى: «وأخيرًا أوعدكم قريب جدًا جدًا، أو ما أبدأ مرحلة العلاج الجاية، أني هرجع أطلع لايف، وأحاول أفيد غيري، ما هو طول ما في نفس هنكمل الحياة، وأنا بعمل اللى ربنا أمرني بيه بدعي وباخد بالأسباب، واتوكل على الله».
واختتمت أسماء مصطفى حديثها: وأول حاجة وأهم حاجة لينا جميعًا، هى الرضا بقضاء الله، أي ما كان ولأنه لا راد لقضاء الله، إلا بقدر الله، وشكرًا ليكم أنكم مستحملني ولسه بتدوني أمل، أني على الأقل طول الفترة اللى عدت من حياتي كنت صح، وكسبت حب ومحبة الناس الحمد لله».
