الصين إجازة.. سيدة تتقدم بشكوى لحماية المستهلك ضد منصور شيفروليه | صور
قدمت فاتن سامي السيد شكوى لجهاز حماية المستهلك رقم 218092 ضد توكيل منصور شيفروليه، نظرًا لوجود بعض المشكلات في سيارتها ماركة MG zs موديل 2021، فضلًا عن رفض التوكيل تسلمها تقرير بيان حالة للسيارة.
ونشرت صفحة عشاق السيارات المعدلة، عبر موقع التواصل الاجتماعي فيس بوك، شكاوى لأحد الأعضاء تحذر جميع المواطنين من التعامل مع شركة منصور شيفروليه مع معرض البلال أوتو.
قالت السيدة إنها قامت بشراء سيارة من ماركة MG zs موديل 2021 كاش، من معرض البلال، بكامب شيزار بمحافظة الإسكندرية، مشيرة إلى أنه بعد 6 أشهر غيرت زيت للسيارة في التوكيل بعدما سارت 5000 كم، وفور تغيير الزيت اتضح هناك صوت في ماكينة السيارة.
أضافت أنها ذهبت على الفور إلى توكيل منصور شيفروليه بطريق العامرية يوم 9 سبتمبر الماضي، وأكد أن هذا الصوت في ماتور السيارة بطقم البساتم، لافتة إلى أن التوكيل رفض أن يُعطيها تقرير حالة السيارة، قائلة: كان حل التوكيل أنه يفتح الموتور ويغير طقم البساتم، وطبعًا رفضت لأنها مكملتش 6 أشهر، وكان العيب في المكنة، يعني في العربية كلها ولحد النهاردة العربية في التوكيل.
تابعت: لما بروح المعرض بيقول روحي التوكيل والتوكيل يقول العيب من منفذ البيع (المعرض اللي اشتريت منه) اللي هوه البلال، محدش بيحاول يحل المشكلة، ده غير طبعا منظر العربية واللي وصلتله في التوكيل.. كل اللي عملوه إنهم قالوا إنهم بعتوا إيميل للصين، ولما بسأل عن وضع العربية الرد يكون: الصين إجازة ومحدش رد على الإيميل اللي بعتناه.
اختتمت السيدة قولها: إنها قامت بتقديم شكوى في حماية المستهلك برقم 218092، معلقة: أنا عايزة حد يقولي أعمل إيه وأتصرف إزاي.
