العام الدراسي الجديد.. تعرف على برنامج التغذية اليومي لطلاب المدارس
وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، سؤال لأولياء الأمور حول البرنامج اليومي الذين وضعوه لأبنائهم خلال الدراسة، حتي يستفيد باقي أولياء الأمور.
قال ولية أمر: إن شاء الله نصحا 7 نفطر ونلبس، ننزل للمدرسة 8 إلا تلت، نرجع من المدرسة 2 ونص نغير ونتغدي ونعمل الواجبات ونشوف بقي لو نذاكر شويه لغايه الساعة 8 ونرتاح ويلعبو لغاية 9 ندخل ننام.
أضافت ولية أمر أخرى خلال حديثها للقاهرة 24، لما يرجعوا من المدرسة يرتاحوا ويتغدوا ويعملو واجباتهم وممكن بريك شويه ويرجعوا يكملوا وبعد كده يناموا الساعة 9 أو 10 بالكتير عشان يقدروا يركزوا، مضيفة أخرى: ابنى الصبح يفطر ويروح المدرسة يرجع ينام ساعه ويقوم يذاكر.
وذكرت ولية أمر: بعد الرجوع يتغدى وينام ساعه وبعدين يصحى، طبق فاكهة صحى أو خضار، وبعدين يكتب واجباته ويريح ساعة، وبعدين نراجع معه اللى أخذه أول بأول عشان مينساش.
بينما قالت أخرى: أنا وضعي مختلف عن أي أم، أنا عندي طفلين سكريين محتاجه ترتيب خاص جدا، ونفس الوقت خايفة أنزلهم علشان كثافة العدد في الفصل كتيرة، وبرضو مش هينفع يفضلوا في البيت، أنا في معاناة ربنا وحده يعلم بيها، عام سعيد للجميع بالتوفيق والنجاح يا رب.
