الممرض ضحية واقعة السجود للكلب: راسي اترفعت بعد الحكم.. وهشتغل أي حاجة غير التمريض
عقب الممرض عادل سالم، المجني عليه في واقعة إجباره من قبل طبيب على السجود لكلب، على الحكم الصادر اليوم بمعاقبة الطبيبين وموظف بالحبس سنتين مع الشغل، وتغريم كل منهم 100 ألف جنيه، وإلزامهم بأن يؤدوا للمجني عليه 20 ألف جنيه على سبيل التعويض المدني المؤقت.
وأضاف سالم، في مداخلة هاتفية مع الإعلامي عمرو أديب، ببرنامج الحكاية، المُذاع عبر فضائية mbc مصر، مساء السبت: حسيت إني راسي مرفوعة النهاردة أمام أبنائي وأهل قريتي، وأشكر كل من دعموني خلال أزمتي طوال الفترة الماضية، متابعًا: جزء من حقي رجعلي النهاردة وسعيد جدًا بالحكم الصادر ضد من قاموا بإهانتي.
كما أكمل المجني عليه في واقعة إجباره من قبل طبيب على السجود لكلب: تقدمت بطلب إجازة دون مرتب عشان المستشفى مش متقبلة وجودي داخلها، وبحاول أشتغل أي حاجة لأن نفسيًا مش قادر اشتغل في مهنة التمريض تاني، خاصة أن الدكاترة اللي كانوا في القضية لهم علاقات متشعبة مع المستشفيات الأخرى.
وأوضح الممرض عادل سالم: معايا عربية ممكن أشتغل عليها خلال الفترة المقبلة، أو أبيعها وابدأ أي شغل آخر بعيدًا عن مهنة التمريض.
