علا رشدي تكشف طقوسها اليومية مع أولادها في اليوم الدراسي: بتعب جدًا في تجهيز لانش بوكس
قالت الفنانة علا رشدي، إنها سعيدة بانتظام العملية الدراسية في العام الجديد حضوريًا دون وجود تعليم أونلاين، مؤكدة أن هذا الأمر مهم للأمهات بشكل كبير.
وكشفت علا رشدي، في لقاء خلال برنامج كلمة أخيرة، الذي تقدمه الاعلامية لميس الحديدي على شاشة ON، كواليس يومها مع أبنائها أثناء الدراسة، معقبًة: بصحى 6 الصبح وافتح الشبابيك وابني بيحب المزيكا الكلاسيكية عشان أصحيه على أغاني أندريا بوتشيلي، وأنا عودته عليها وحبها.
وأضافت علا أن ابنتها لا تسبب لها شقاءً أثناء استيقاظها: ببدأ أجهز الانش بوكس وأحط فيه أكل كتير والعيال بترجع من المدرسة بيه زي ماهو من غير أكل.
علا رشدي ضيفة لميس الحديدي في كلمة أخيرة
وأردفت: بحاول أحط إلى بيحبوه عشان ياكلوه، ومافيش فايدة بيقلولي مش عاوزين مكرونة ولا أي حاجة ولاساندوتشات، عاوزين ذرة لأ أو بيضة مسلوقة أو كاجو سناكس، كنا زمان بناخد ساندوتشات مربة وحلاوة وجبنة بعمل كل حاجة وبتعب وبلاقي اللونش بوكس زي ماهو.
وتابعت علا رشدي: بنتي بتقلي حاجات غريبة شوفي الأمهات بيعملوا إيه؟ بيقطعهوا الجبنة على شكل وش أرنب والساندوتش على شكل فيل ماعنديش طاقة لده ولا أعملهم كده.
