عامر حسين: الدوري الجديد سيكون مضغوطا
قال عامر حسين، عضو رابطة الأندية، إن هناك ضغط مباريات خلال الموسم الجديد 2021/2022 بسبب مباريات المنتخب الوطني الأول في كأس العرب وكأس الأمم الأفريقية.
أضاف عامر حسين، خلال حفل قرعة الدوري: لدينا 100 يوم للمنتخب الوطني الموسم ده، ما بين توقفات وبطولات زي أمم أفريقيا، وفي 100 يوم للأندية المشاركة في أفريقيا، اتفقنا على أن الأندية اللي صممت على شكل الدوري المعتاد، فاحنا بنقول من دلوقتي إنه هيبقى في تساوي بين الأندية المشاركة في إفريقيا في الفترات الزمنية قبل الماتشات، ضغط الماتشات للفرق المشاركة في أفريقيا وإنهم يلعبوا بين ماتشات أفريقيا ماتشات محلية ده هيحصل في ماتشات المجموعات، لأن دي فيها فرصة للتعويض.
عامر حسن تابع: مش هنطلع الجدول كامل لأن كأس العالم للأندية والسوبر الأفريقي ماتحددش، هنطلع 8 أو 9 جولات من الدوري قبل أمم أفريقيا، نتمنى الكل يبقى فاهم الارتباطات اللي عندنا إحنا كرهنا كلمة استثنائي نتمنى نعمل أقصى مجهود، الأندية المشاركة في أفريقيا المفروض تضحي أكتر، شهر يوليو وأغسطس 2022 هيبقى فيهم ضغط كبير جدا، لأن مفيهومش ارتباطات، كأس العالم للأندية لما يتحدد هيعمل ترحيل في مرحلة المجموعات للبطولات القارية.
