بسبب تاتو يحمل اسم والدته.. الجمهور يهاجم محمد عطية: مفيش حد بيفتخر بذنب | صور
أثار الفنان محمد عطية، حالة من الاستياء لدى متابعيه بسبب رسمه لـ تاتو رابع يحمل اسم والدته، الأمر الذي أعلن عنه، معربًا عن سعادته وحبه الشديد لوالدته.
وشارك محمد عطية، صورة له عبر حسابه الشخصي بموقع انستجرام، موضحًا خلالها عدد الوشوم التي حصل عليها معلقًا: إمبارح عملت رابع تاتو ف جسمي.. أكتر تاتو كان نفسي أعمله.. سامية اسم أمي.. أهم شخص ف حياتي والإنسانة الوحيدة اللي تستاهل يكون اسمها على جسمي ما يطلعش منه.. أمي هي أقرب صديق ليا.. بتعرف تتقبلني مع كل تغيير بيحصل في تفكيري وف حياتي حتى لو مش متناسب مع أفكارها وتقاليدها وعادتها.
كما أضاف عطية: أمي عرفت تعمل اللي أغلب الناس في مجتمعنا فشلوا يعملوه.. قدرت تفهم مقولة من أكتر المقولات اللي صعب الناس تعرف تطبقها وهي لا تربوا أولادكم كما رباكم آباؤكم، فقد خلقوا لزمان غير زمانكم.. أمي عارفة كل أسراري وملجأ ليا في أي أزمة.
فيما تابع المطرب الغنائي: مهما كبرت بفضل ضعيف من غيرها.. أي حاجة وصلتلها وأي حاجة قدرت أحققها هي كانت سبب مباشر فيها.. أمي هي الشخص اللي فضل مؤمن بيا حتى في الوقت اللي أنا فيه فقدت الأمل والثقة في نفسي.. أول مكالمة تليفون لأي شغل بيجيلي بتكون ليها.. الدعوة اللي بتدعيهالي في أخر كل مكالمة قادرة تحول أي مشكلة أو هم لشيء سهل وبسيط.. سامية أكتر حد فاهمني ومستحملني بكل عيوبي وأخطائي.
محمد عطية
محمد عطية يتعرض لانتقادات من جمهوره بسبب تاتو
من جانبهم وجه بعض المتابعين الانتقاد بشكل مباشر على المنشور، حيث كتب أحدهم تعليق: أنت حر أولًا وأخيرًا بس متقولش عادي على حاجة بتعملها حرام قول متعملوهاش وادعولي بالهدايا بس كده لكن المجاهرة بالذنب أقبح من الذنب نفسه، كلنا بنغلط بس مش بنقول عادي نغلط ونفتخر قدام الناس ربنا يهديك ويهديني ويهدينا جميعا.
وحرص الفنان محمد عطية على الدفاع عن نفسه، حيث رد على التعليق السابق قائلًا: لا أنا بقول اللي بعمله ومش بداریه وفخور بیه ومتحمل نتيجة أفعالي.. ما حدش بيشيل ذنب حد.
وجاء تعليق آخر على النحو التالي: أنا بحترمك ودي حريتك بس يا ريت حتى لو بتعمل حاجة ماتقولش عادي عليها ما دام عارف أنها حرام وعلى فكرة بلاش تدينا فكرة إن الممثلين كلهم بتفكيرك لأن بجد فيه ناس محترمة كتير وأنت منهم، وأنا بجد من زمان من وأنا طفلة بتابعك وطول عمرك تضحكني ومثال لأي فنان ماعملش فن خادش للحياء، فا یاریت تكون حلو للآخر لأن العبرة بالنهاية لأنها مش روشنة إنك تغيظنا وتقول عادي لمجرد أن ده تفكيرك، وربنا يوفقك يارب في كل حياتك ويحفظ والدتك.
ليرد الفنان محمد عطية قائلًا: أنا ما بحبش أتدخل في حياة حد ولا أحب حد يتدخل في حياتي.. المعجب في مجتمعنا عاوز الفنان يمشي على أفکاره وتقالیده یا إما يبقى مش معجب ويبقى الفنان مش مرن.. يعني اللي فوق ما بيحبوش ممثلين أجانب؟؟ بس إزاي إحنا لازم نقرف بعض ونحط مناخيرنا في حياة بعض.
