نجلاء بدر عن فستانها المثير للجدل: كان نفسي أتشهر بعمل فني مش فستان عريان
عقبت الفنانة نجلاء بدر، على الجدل المثار بسبب فستانها في مهرجان الجونة السينمائي الذي عقد أمس الخميس.
وقالت بدر، في مداخلة هاتفية مع الإعلامي عمرو أديب، ببرنامج الحكاية، المُذاع عبر فضائية mbc مصر، مساء الجمعة: لم أقصد أن يكون فستاني محل جدل زي ما حصل وأنا مليش في التريند، مكنتش شايفة إن الفستان فيه حاجة تستاهل كل الضجة دي، أنا كان نفسي أتشهر بعمل فني مش بفستان يتقال عليه مثير أو عاري.
وأشارت الفنانة نجلاء بدر، أن بطانة فستانها من خامات لا تقرأها الكاميرات الديجتال، وده اللي سبب الجدل، مضيفة: المواصفات العالمية لفساتين السوارية معروفة وبتكون مفتوحة واحنا بنحاول على قد ما نقدر إن نلمه ونخليه مقفول.
وتابعت الفنانة: المهرجانات بتخاطب فئة معينة مش كل الناس، والريد كاربت في أي مهرجان هو عرض للأزياء والموضة، وبحب إن التقييم يكون لفني، مش التقييم بفستاني أو شكلي.
وأكملت الفنانة نجلاء بدر: مش نازلة بالفستان ده عشان ألفت الأنظار أو أسرق الأضواء والكاميرات، ولو عارفة إني هتشتم كنت عملت اللي أنا عايزاه، أو كنت قطعت الكم التاني، مضيفة: أنا اهتميت بوجود بطانة مع احترامي للفنانة الزميلة.
وظهرت الفنانة نجلاء بدر بإطلالة جريئة خلال ظهورها على ريد كاربت مهرجان الجونة السينمائي، خاصة شكل الفستان.
