السيسي لـ المواطنين: مش عايزين تحلموا ليه لبلدكم ولنفسكم؟.. وبنخطط للمدارس والمباني بشكل متكامل
قال الرئيس عبد الفتاح السيسي: أرجوا من الجرايد والمجلات والتلفزيون، تغطية اللي بيحصل في الريف والتطوير، المواطن لازم يعيش في مكان كويس.
وأضاف السيسي خلال افتتاح مجموعة مشروعات إسكان بديل المناطق غير الآمنة من منطقة السادس من أكتوبر: هقولك كلمة صعبة مش عايزين تحلموا ليه لبلدكم ولنفسكم، ليه بتبني بقالب طوب وتقول ظروفنا صعبة؟ احنا نقدر نغير ظروفكم.
تابع السيسي: في الدلتا الجديدة وفي سيناء البيوت اتعملت بتخطيط متكامل وبمشي في حياة متكاملة في كل شيء، المدارس والمباني والمساجد والكنائس وبنعالج أوضاع سابقة مش هتتعالج غير لما نكون مع بعض.
وقال الرئيس عبد الفتاح السيسي، إن القضاء على ظاهرة البناء غير المخطط مسؤولية مشتركة بين الدولة والمواطن، مضيفا: عشان أعمل منظومة نظافة جيدة هتواجهني مشكلة البناء غير المخطط، فيه دولة في العالم حجم مخلفاتها 2.8 مليون طن.
