مها الصغير: هنتبرع بجزء من أرباح مؤسسة محمد الصغير لروحه.. وبدأنا بغرفة في مستشفى بهية | فيديو
تحدثت الإعلامية مها الصغير عن مصير مؤسسة والدها مصفف الشعر الشهير محمد الصغير بعد وفاته، خلال ندوة مقامة على هامش فعاليات اليوم الثالث لمهرجان الجونة السينمائي بدورته الخامسة اليوم.
وقالت مها الصغير: كل سنة هيبقى فيه مؤسسة خيرية تانية بيروح منها جزء من ربح مؤسسة محمد الصغير ومتهيألي ده اللي الأهم والأحلى، وكمان عملناله أوضة باسمه في مستشفى بهية وهنكمل الموضوع ده وهنكبره لأنه جزء ديني شخصي.
وأشار مصطفى الصغير نجل محمد الصغير إلى أن قرارات شقيقته مها مؤسسية أكثر من كونها شخصية، مؤكدًا أن تلك الرحلة بدأت من شركة محمد عبد المنعم الشهير بمحمد الصغير التي كانت صدقة جارية.
وأضافت مها الصغير: الفكرة اللي بنعلن عنها ديه هتبقى بشكل احترافي أكتر في مؤسسة محمد الصغير، هنعمل جزء أو مكان مخصص أو قسم أو مكان مخصص وهيبقى فيه موظفين للتنمية المجتمعية هنبدأها بمؤسسة بهية وهنكمل وهيبقى موجود بشكل دائم.
ووجهت مها الصغير رسالة حب لوالدتها في نهاية حديثها، قائلةً: أمي بحبك أوي ولولاكي مكناش هنبقى واقفين هنا أنا ومصطفى انهارده، واختتم الفنان أحمد السقا حديثه بطلب الدعاء لمحمد الصغير حتى ولو كانت الدعوة في السر، مضيفًا: وعشان أكون وقفت في ضهر مراتي وأخو مراتي وحماتي امي التانية عايز أطلب طلب صغير وهي دعوة له حتى لو في سركو.
