منة فضالي عن إطلالات الفنانات في مهرجان الجونة: رايحين يركبوا التريند
عقبت الفنانة منة فضالي على إطلالات الفنانات في مهرجان الجونة، قائلة: أنا واحدة طبيعتي بسيطة ومش بحب الشو ومبحبش ألبس حاجة غريبة مش شبهي، فيه لبس وألوان فاقعة مينفش تتلبس في مهرجان وفي النهاية إحنا في مجتمع شرقي وفيه لبس الناس مبتقبلهوش.
وأضافت فضالي خلال حوارها مع الإعلامي رامي رضوان، ببرنامج مساء dmc المُذاع على فضائية dmc، مساء الأحد، قائلة: أنا بتقبل النقد في كل حاجة عادي، ومعنديش مانع أن حد ينتقد لبسي.
وتابعت الفنانة: كل الفنانات اللي بيحضروا المهرجانات عايزين يلبسوا أحسن وأحلى من غيرهم، وده أمر طبيعي لأن كل واحد بيبقى عايز يظهر شيك أوي، مضيفة أن الفنانة هي من تختار لبسها الذي تظهر به، وتختار إنها تثير الجدل أو إنها تبقى شيك وبسيطة.
وأضافت فضالي: فيه فرق بين واحدة تظهر بشكل شيك وواحدة عايزة تلفت النظر وتروح المهرجان علشان تركب الترين، والفنانة يسرا بالنسبالي ملكة الأناقة ولفتت نظري في المهرجان وطول عمرها شيك، وأنا بحبها على المستوى الشخصي والفنانة درة أيضا شيك جدًا وهند صبري كانت تجنن.
