شقيقتان من قصار القامة تواجهان التنمر بالأشغال اليدوية: نفسنا المسؤولين يسمعونا
واجهن التنمر بالأشغال اليدوية، فلجأن إلى الكروشيه، بدعم من والدتهن، التي كانت كلمة السر في حياتهن.. مني ومي محمد الزاملي، 29 و32 عامًا على الترتيب، شقيقتان يبدعن في الأعمال اليدوية بأنامل من ذهب بقرية شبرابخوم قويسنا بالمنوفية.
تخرجت مي في المعهد الفني التجاري، فيما حصلت منى على دبلوم تجارة، لتعمل الأولى في قصر الثقافة بشبرابخوم، أما الصغرى فتعمل في شركة توشيبا العربي.
تقول مي لـ القاهرة 24: إحنا بنحب هواية التمثيل وشغل الكروشيه واتعلمنا شغل الكروشيه من ماما، شوفناها وهي شغاله فيه، فحبينا نتعلم منها، وبقينا نشتغل زيها.
تضيف: حبينا نطور من نفسنا وإحنا بنشتغل ونفذنا الحاجات اللي اتعلمناها من ماما، وكمان عندنا موهبة التمثيل، أنا في المجال الفني وأنا عندى 10 سنين، بس مش بنبيع مشغولاتنا، هي هواية بس.
واجهنا التنمر وأصرينا على النجاح واستمرت حياتنا، وتحدينا نظرة البعض لينا من خلال الأعمال اليدوية والفنية مثل الإبداع في فن الكروشيه والتمثيل في مسرحيات وإعلانات جهينة مع كبار الفنانين والفنانات.. تتابع مي.
تحلم الشقيقتان بالمشاركة في عمل فني عن حياة قصار القامة، بالإضافة إلى مقابلة الرئيس عبد الفتاح السيسي، والظهور في المهرجان السنوي لذوي الاحتياجات الخاصة.
وقدمت نصيحتها للشباب قائلة: رسالتنا لكل شخص على ضرورة عدم الاستسلام وأهمية عدم الإنصات إلى كلام البعض، والالتفات إلى الهوايات والأعمال المفيدة، دون أن يكون التنمر عائقا أمام الإبداع لو حطيت الناس في دماغك مش هتتقدم.
وتتابع مي: نفسنا يعدلوا قانون العربيات إني يكون الأخ والأخت من الدرجة الأولى في قيادة العربية لأولادهم علشان مجبش سواق وأمن عليه، وكمان بيحتاج رخصة مهنية تتغير كل 3 سنوات، وديه تكلفة علينا.
واختتمت حديثها قائلة: نفسي نظرة المجتمع لينا تتغير، لأن كلنا واحد، أصلنا واحد واللي خلقني وخلقك واحد، مفيش فرق ما بيني وما بينك، ليه تتريق علينا ولا تنظر نظرة سخرية لينا.
