مخرج ريش بعد فوزه بجائزة أفضل فيلم عربي بالجونة: الدولة كانت معايا من الأول
أعرب عمر الزهيري مخرج الفيلم الروائي الطويل ريش، عن سعادته بحصوله على جائزة أفضل فيلم عربي روائي طويل في مهرجان الجونة السينمائي بدورته الخامسة والتي اختتمت فعاليتها منذ قليل.
وتابع الزهيري مداخلة هاتفية مع برنامج الحكاية الذي يقدمه الإعلامي عمرو أديب على شاشة إم بي سي مصر، قائًلا: معروف من زمان واشتغلت مع سينمائيين كبار وكسينمائي دايمًا، الأيام اللي فاتت كنت مستريح نفسيًا وضميري مستريح وعارف إننا دولة كبيرة جدًا دايمًا بفخور بإني جزء من السينما، والعالم يبكرمنا على السينما، فيه هجوم كبير آه، لا محستش إني مش هخرج تاني.
وأضاف: بس أنا زعلت وحبيت إنه ميبقاش سينمائي، والنقاش مكنش سينمائي وأنا كمان بستوعب ده وشايف إنه لازم يطلع كويس في جميع الأحوال، مش قلقان إنه ينزل في العرض التجاري، لأن عادي نختلف ونتفق على عمل فني وطبيعي ده يحصل على عمل سينمائي، أنا بشوف كل فيلم وإيه المناسب له ودي الفكرة اللي اشتغلت عليها، ودلوقتي بشتغل على فيلم كوميدي مختلف، اشتغلت مساعد مخرج مع مخرجين كبار جدًا مع كاملة أبو ذكري ويسري نصر الله وشريف عرفة.
واستكمل: مكنتش متوقعة جائزة من المهرجان ولا أي جائزة خالص لأنها منافسة صعبة بس كنت راضي جدًا بردود الأفعال المختلفة وتقدير النقاد المصريين على الفيلم واتبسط إن حصل ده على أول فيلم ليا في حياتي وده بيعلمني ويضيفلي كتير.
عمر الزهيري
وقال: الدولة كانت معايا من الأول متمثلة في كل الجهات وديمًا بشكرهم وبتقول إن دي بلد فيها فنانين وجود الفن القوي في الدولة بشكل كبير، مفيش منطق بيقول إن ده فيلم بيسيء لمصر لأن فيه رقابة ومنتج بيشوف العمل، مفيش فيلم ينفع يسيء للبلد ومش عمل فني هو اللي هيسيء للبلد، ومفيش حد اتكلم عن الفيلم بالطريقة دي.
