أسماء محفوظ تعلن انفصالها عن زوجها وتتهمه بتزوير بياناتها
أعلنت الناشطة السياسية أسماء محفوظ، أحد أبرز الوجوه في المشهد السياسي المصري أثناء ثورة الخامس والعشرين من يناير، انفصالها عن زوجها الدكتور محمد رضا موكدةً توثيق إجراءات الطلاق من زوجها.
وأتهمت أسماء محفوظ رضا بتزوير البيانات الخاصة بها في عقد زواجه من زوجتة الثانية فكتبت على موقع التواصل الاجتماعي فيس بوك "تم توثيق طلاقي نهائيا من أبو الولاد..وهو عقوبة اللي يزور بيانات مراته الاولي في عقد جوازه من التانية ايه؟".
وأوضحت محفوظ في منشور مطول لها على موقع فيس بوك أن العلاقة بدأت في التدهور بينها وبين زوجها بسبب رغبتة في الزواج للمرة الثانية وهو الأمر الذي رفضتة هي مشددة أنه لن يحدث الا في حال طلاقها.
وكتبت محفوظ " واحد محتفظ بسكرينات لبنات بتبعتله كلام حب وقاطع اللي قبله واللي بعده ويبعتها لمراته وصحابه
مين دول ؟ دول بنات بتبعتلي بيحبوني ويبعتولي صورهم عشان اعبرهم لكن انا راجل مخلص ومبردش المتجوزة والمطلقة وبنت الجامعة والمسلمة والميسيحية كل دول بيحبوك لوحدهم وهيتجننوا عليك وانت مبتردش والله العظيم بقولهم انا بحب مراتي ومقدرش اخونها بس خايف علي مشاعرهم ومبعملش بلوك وميزهقوش؟ معرفش ايه دول اصلي انا اتحب أو ي سحري لا يقاوم".
وأضافت "انا عايز اتجوز عليكي الف للف مبروك.ربنا يسعدك ياحبيبي بس الماذون إلى يكتب عليك يطلقني الأول، لا ياحبيبتي انا بهرج انا مقدرش اعيش من غيرك سكرين شوت يمسح كل حاجة ويسيب الف مبروك ياحبيبي ويبعتها للتانية يقولها مراتي موافق ومباركة الجواز".
وتابعت أسماء محفوظ " اكتر من3 سنين يقولي انا عايز اتجوز عشان انا جامد جدا وعايز اتنطط علي الناس اتجوز اي واحدة ان شاءالله سورية تيجي تخدمك بس يبقي اسمي متجوز 2 كل ما اطلب الطلاق يقولي انا محبتش قدك انا مقدرش اعيش من غيرك نرجع يصحيني من النوم علي زعيق وشخط انا لازم اتجووووز ده حقققققي ده شرع ربنا يبني اتجوز واطلقني هو انا هاكلك، انا اتجوزت، لا انا بهزر.. مش من حقك تطلبي الطلاق عشان هتجوز اتطلقي لاي سبب تاني بصي البنات نحوا ازاي شايفة كام واحدة هتجنن عليا.. بطلي تبقي انانية وتاخديني ليكي انتي بس انتي ايه يا شيخة مفيش احساس بكل البنات دي".
وواصلت " 3 سنين في خناقات لحد ما اتطلقت اخيرا بعد انفصال سنة جالي تاني يوم ندمان انا هموت انا مش هقدر انا ايه اللي عملته في نفسي ده اكتشفت إنه طلقني وراح يخطبها بعد ارتباط سنة بينكر علاقته بيها وبيتهمني بالجنون ورجع كتب عليا ورجعني واني حبيبته وامانه الوحيد..اكتشفت من كام يوم إنه متجوزها ومشحطط نفسه ما بينا كدب هنا وكدب هنا وبعد ما اتطلقنا احنا الاتنين وكشفنا الرسايل... طلع نفس الكلام هنا ونفس الكلام هنا نفس الكدب هنا ونفس الكدب هنا ولسة فيه حيل يكدب انا كتبت بس انا ملمستش واحدة غيرك دي عملالي عمل انا كنت بتزق زق للجواز مكنتش عارف اعمل ايه مكنتش قادر ابص في عينيكي وانا عارف اني بخدعك".
واختتمت "والله لو حد قالي اني دي قصة فيلم مكنتش صدقتها 3سنين عايشة في جحيم وتعب اعصاب... ويقولها انا عايز اطلقها انا عايش معاها في جحيم بس هي بتهددني بالعيال وعايزة فلوس وتسكت ويقولي عليها انا عايش معاها في جحيم وكل اللي همهم الفلوس انا مصدومة في عشرة عمري والله".
