ياسمين صبري: عمري ما مريت باكتئاب.. وعرفت معنى السعادة
كشفت الفنانة ياسمين صبري أهمية الصحة والراحة النفسية للإنسان، مشيرة إلى أنه دونهما سيكون الإنسان محطمًا وليست لديه أي طاقة للإبداع وسيكون شبه ميت.
وأضافت ياسمين صبري، خلال حوارها مع أنس بوخش المذاع على قناته عبر يوتيوب: الصحة النفسية أهم شيء للإنسان من غيرها هيكون محطم مش هيعرف يبدع ولا يخدم ولا يؤدي هيكون عايش ميت ومنتهي أمره، لأن السلامة النفسية والعقلية تمثل الإنسان.
وأكدت ياسمين صبري أنها لم تمر بحالة اكتئاب نهائيًا طيلة حياتها، قائلة: الحمد لله عمري ما مريت باكتئاب، لكن مريت بالعكس بنوع من أنوع النشوة الروحية فحبيت أزودها، ولأني بحب الرياضة وأحب التنويع، فحبيت أجرب اليوجا، كنوع من التهذيب الجسدي، وآخر عشر دقائق للتأمل اكتشفت أن لدي نوع من أنواع الراحة ممزوجة بالصراع كنت أشعر أن هناك شيء ثقيل على قلبي أول مرة أنتبه لها، لأن آخر عشر دقائق بيعلموك إزاي تتصل مع نفسك.
وتابعت ياسمين صبري: قلت للمدرسة شعرت أني بعافر آخر عشر دقائق، إزاي أندمج أكثر قالت لي لازم تعملي باليه عبارة عن يوجا بس، روحت من غير تفكير، وبعدها عرفت معنى السعادة أكتر من اللي كنت فهماها عرفت إن الكون كله جوايا والسعادة والسكينة.
واستكملت الفنانة: لا أشعر مطلقًا بالممل ومش بزهق نهائي، لأني دايما متصلة بنفسي، الإنسان يشعر بالممل لما يكون عاوز يهرب ومش عارف يسيطر على دماغه زهقان ومش عارف يعمل إيه، إحنا جوانا كتير الخير والشر والنور والضلمة، لو شكرت نفسك وكنت ممتن ليها لا عمرك هتزهق ولا تحس إنك محتاج حد يكملك هتكون ممتلئ، أنا بأكد إني لم أمر بالاكتئاب مريت بالعكس بتاعه ودايما في تزايد.
وأضافت ياسمين صبري: ما وصلتتش للقاع اختارت أكون شخص بيدور على الأفضل لأني بحب نفسي لو مش بحب نفسي حب الناس إزاي هكون واخدة كل حاجة بسوء نية.
