إحساس الخيانة صعب.. أبرز تصريحات شيرين رضا مع لميس الحديدي
حلت الفنان شيرين رضا، ضيفة على الإعلامية لميس الحديدي، في برنامجها كلمة أخيرة، والذي يُعرض عبر شاشة قناة ON، وتحدثت خلال الحلقة عن العديد من المواضيع المتعلقة بمشوارها الفني وعلاقتها بابنتها.
ويرصد لكم القاهرة 24 أبرز تصريحات شيرين رضا خلال لقائها في برنامج كلمة أخيرة:
- سينما نظيفة دي كلمة شتيمة وليست توصيفًا.
- الفنانين اللي بيتشرَّطوا يمثلوا من غير لمس.. طيب ليه يشتغلوا في الفن أصلًا؟ ممكن يروحوا الراديو هيبقى فيه أعمال ما فيش فيها لمس.
- السينما دي بتلخص حياتنا وبترصدها بكافة تفاصيلها دي سينما للبني أدمين مش بنعمل قصة عن بقرة.
- أتمنى أقدم دور فلاحة أو صعيدية لكن صعب بسبب اللهجة وطريقة الكلام.
-مش عاوزة أدوار تبقى من الجلدة للجلدة.. لا لازم الدور يبقى حلو ويؤثر في الناس.
-حاسة أني محظوظة بعرض الأدوار الحلوة دي عليا ومش عارفة أقول لأ.
- إحساس الخيانة صعب وليه أحس أني مش حاسة بالأمان من جوزي أو صاحبتي.
-ممكن أعمل 5 أفلام في نفس الوقت
-دي عصر السينما بالنسبة لي والسينما راجعة بقوة وياريت الناس تروح تتفرج على الأفلام في دور العرض.
-ما بحبش أشوف الأعمال أول ما أعملها لازم اسيبها شوية وبعدين أشوفها وبأخذ الرأي من الناس.
-إحنا كفنانين أكتر ناس بننتقد أنفسنا ومقدرش أعيش في حالة نقد ذاتي طول الوقت كل ما ارجع البيت كده هموت.
- شفت العذاب مع اللبنانيين وعشت معاهم أزمة الكهرباء والوقود وانقطاع المياه وقلبي معاهم.
-نور شخصية بسيطة جدًا في حياتها وده طبع أخدته مني أنا كمان مش بحب أتباهى بحاجة.
-أنا أصلا أكبر متنمرة في الدنيا لما حد يجي يتنمر على بنتي هشطفه وأزرعه في الأرض.
-أنا عشت تنمر كتير.. بس بقول لهم كفاية أنكم زي الجبناء قاعدين وراء شاشات ماحدش شايفكم وبتأذوا الناس.
