بعد علاقة 9 سنوات فوجئت بزواجه.. حملة تعاطف واسعة مع فتاة زعمت خداع خطيبها لها | صور
ادعت فتاة، أن خطيبها خدعها لمدة 9 سنوات؛ بعد اكتشافها أنه متزوج ولديه طفل، مما أثار حملة غضب ضده، وتعاطفا كبيرا مع الفتاة من جانب مستخدمي مواقع التواصل الاجتماعي.
وغردت الفتاة، عبر حسابها بموقع تويتر: إحساس وحش أوي، إن بعد قراءة فاتحتي بيوم؛ أكتشف إنه متجوز ومخلف، والمفروض إني أعرف الشخص ده بقالي 9 سنين، موضوع مضحك أوي، حقيقي أنا مصدومة صدمة عمري.
وأضافت الفتاة: مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمد لله على كل شيء.
وأضافت الفتاة: وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلَّا الحمد لله على إنه كشفه على حقيقته، صدمة شديدة أوي، بس ربنا مش بيعمل حاجة وحشة.
وعلق مدون عبر تويتر، على تغريدة الفتاة: مش قادرة أستوعب تصرفات بعض البشر والله، إزاي قدر يستغلك كل السنين دي، ومفيش يوم عدى عليه ضميره أنِّبُه طول السنين دي كلها، ربنا ينتقم منه، وحسبي الله ونعم الوكيل في أي شخص يستغل غيره، فترة وتعدي، وهتبقى أقوى وأحرص وأفهم في اكتشاف معادن الناس، ربنا يقويكي ويكون في عونك وتخرجي منها بخير بإذن الله.
وتفاعل حساب آخر مع تغريدة الفتاة: أحسن حاجة عملتيها إنك نزلتي صورته واسمه؛ علشان يتربى، ولو حد بيعمل زيه؛ يلحق نفسه ويتلم، ويبعد عن بنات الناس.
وغرد مستخدم آخر: ربنا يعوضك خير، المفروض تسألي على الناس، وتسألي عن أهله، ماتدَّخليش حد بيتك وخلاص، لازم تسألي.
وتعاطفت إحدى الفتيات معها فقالت: أميرة مش قادرة أستوعب هو فيه كدة فعلا؟.
