رمضان عبدالمعز: الحسد والحقد والغل والغيبة جرائم تؤدى للنار
قال الشيخ رمضان عبد المعز، الداعية الإسلامي، إن من أسباب الغيبة ونهش أعراض الناس، نقص الورع وعدم خوف الله، وأيضا من ضمن الدوافع حب الدنيا، لافتا إلى أن سيدنا محمد حذر من التنافس على الدنيا، وإنه ا يمكن سبب الهلاك.
وتابع عبد المعز، خلال حلقة برنامج "لعلهم يفقهون"، المذاع على فضائية "dmc"، اليوم الأربعاء: "المؤمن لا يؤذى أحد ولو أحد اذاه يجتبه من غير إيذاء، أيضا حب الرئاسة والزعامة، وانا أولى به من المنصب، وأيضا موافقة الاقران، يعنى تلاقى واحد بياخذ ذنوب، كده عشان بيسند معاهم فى الكلام، ده هتلاقيه فى سقر فى جهنم، عشان بيحط التاتش بتاعه عشان صاحبه، وبيتكلم عن الناس بما يكرهون".
واستكمل: "من ضمن الدوافع، أيضا الحقد والغل والحسد، تلاقى واحد مقهور من حد عشان احسن منه تلاقيه بقى يقول عليه كلام مش كويس، ويبقى بيحسده وبيغل منه ويحقد، عليه، معقبا: ارتكب ٤ جرائم فى بعض من غير ما يشعر".
