نجيب ساويرس: لا أشتري ملابس سعرها غالي.. وابني كان رافض يشتري عربية
قال نجيب ساويرس، رجل الأعمال المصري ومؤسس مهرجان الجونة، إنه لا يشتري أي شيء يراه مُرتفع الثمن، موضحا: لازم يكون سعر الحاجة اللي هشتريها بالمعقول.. عندي حد معين للبس اللي هشتريه.. لو حاجة سعرها غالي أوي ولو عجباني مش هشتريها، ومش بقيس حاجة غير لما أشوف ثمنها، عشان أوفر وقتي.
وأضاف رجل الأعمال: ولادي مامتهم ماسكة عليهم أوي.. ميقدروش يشتروا أي حاجة ماركة، أنا اللي بحاول أبوظهم.. مامتهم خافت عشان أبوهم نجيب ساويرس العيال تبوظ، فالتربية جابت نتيجة كويسة.
وأوضح خلال حديثه مع برنامج صباحك مصري المذاع على فضائية إم بي سي مصر: ابني بيركب أتوبيس وهو بيدرس في أمريكا، ومش راضي يشتري عربية، وبيركب المواصلات العامة ويتبهدل، أقوله اشتري العربية يرفض، ولما تعب أوي، أصريت أنه يشتري عربية، فجاب عربية بسيطة.
وتابع: ساويرس: أول مصروف خدته كان 2 جنيه في الشهر، وكل اللي معايا في المدرسة كان بياخد 10 جنيهات عشان والدي كان بيعلمنا نبقى ناشفين وطلع صح، ومراتي إيديها ناشفة على الأولاد.
