نجيب ساويرس: بخاف من العين.. وهذا سعر أغلى بدلة اشتريتها
كشف نجيب ساويرس، رجل الأعمال المصري ومؤسس مهرجان الجونة، عن أسباب تفضيله استثمار أمواله في الذهب، وذلك خلال حواره مع برنامج صباحك مصري، المذاع على فضائية إم بي سي مصر.
وقال مؤسس مهرجان الجونة: مش عايز أعمل فلوس أكتر، بس عايز أكون مرتاح، عشان كدة بستثمر في الذهب لأنه مضمون.
وأضاف: أغلى بدلة كانت بـ 200 دولار، مش بشتري أغلى من كدة، ومش بصرف كثير لأني بتغدى عند والدتي وبفطر عندها والعشاء، ولو خرجت أتعشى ممكن 3000 إلى 4000 جنيه، لأن دلوقتي الأرقام ضربت، زمان كنا بنخرج بـ 100 وكمان ممكن بـ 30، دلوقتي الأرقام كترت.
وتابع: بخاف من العين.. مش بحب أحط صورتي مع صورة عيالي ومراتي عشان بخاف، أميرة موناكو كانت بتطلع مع بناتها التلاتة اللي زي القمر وابنها وجوزها لحد ما واحدة فيهم عملت حادثة، والبنت الثانية بقت مدمنة، وجدتي كانت تقولي داري على شمعتك تقيد.
واستكمل نجيب ساويرس: أول مصروف خدته كان 2 جنيه في الشهر، وكل اللي معايا في المدرسة كان بياخد 10 جنيهات، عشان يعلمنا نبقى ناشفين وطلع صح، ومراتي أديها ناشفة على ولادي.
