صديقة طفولة ياسمين صبري: أبوها مصرفش عليها جنيه.. وافتكرها لما بقت مشهورة | صور
كشفت لبنى عروس صديقة طفولة الفنانة ياسمين صبري زوجة رجل الأعمال أحمد أبو هشيمة رئيس لجنة الشباب والرياضة في مجلس النواب، تفاصيل جديدة حول العلاقة بين ياسمين ووالدها أشرف صبري، حيث تشهد العلاقة بينهما توترًا كبيرًا وأثارا الجدل، بعد تصريحات والد ياسمين خلال الفترة الماضية والتي واصل فيها الهجوم على نجلته.
وواصل أشرف صبري إثارة الأزمات التي يشعلها بين فترة وأخرى مع نجلته منذ ارتباطها برجل الأعمال أحمد أبو هشيمة.
وكتبت صديقة طفولة ياسمين عبر موقع التواصل الاجتماعي فيس بوك: أنا حاسة بغضب شديد جدا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي إنت مين، إنت كنت فين، إنت جيبت عربية هههههه، إنت صرفت عليها جنيه إنت تعرف إيه عنها.
وأضافت صديقة ياسمين صبري: إنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي.
وتابعت عروس: ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل.
وفي وقت سابق أكدت ياسمين صبري بأن علاقتها بوالدها منقطعة ولم يكن متواجدًا في حياتها وفي طفولتها، وقالت إن السبب ليس في انفصاله عن والدتها، مشيرة إلى أن علاقتها بالأخيرة قوية حتى الآن، ووصفتها بالمرأة القوية.
وقالت صبري عن سبب انقطاع علاقتها بوالدها: الناس بتعمل اختيارات في حياتها، كل يوم الواحد بيعمل اختيار، دون ما نقول هو ليه حصل كده هو الشخص اختار، فيه ناس بتختار تحمل المسؤولية وتكمل الطريق للآخر، وفي ناس تختار نفسها أو أي كان.
