ريهام حجاج: مذبحة الإسماعيلية انعكاس لهوس السوشيال ميديا
علقت الفنانة ريهام حجاج، على الحادث المأساوي الذي حدث أمس في محافظة الإسماعيلية، حيث تداول رواد مواقع التواصل الاجتماعي مقطع فيديو للحادث، وظهر خلاله رجل يقتل الآخر ذبحًا كما مثل بجثته.
وكتبت ريهام حجاج منشور عبر حسابها الشخصي بموقع التواصل الاجتماعي فيس بوك، تعليقًا على الحادث قائلة: جريمة الأسماعيلية.. مش حاتكلم كتير علي الفعل الوحشي اللي حصل من حد شوفنا زيه متطرفين ومجانين كتير، أنا اللي مستوقفني بالفعل هو الزمان والمكان، إن ده يحصل في ميدان عام و في عز الضهر!! وقصاد كل الناس دي اللي كانت بتتفرج، والمفزع هو ردود أفعال الناس، رغم إن المصريين معروفين بالشهامة والجدعنة والتدين.
وتابعت: طيب لو قلنا إن ما حدش أتحرك عشان اتفزعوا أو خافوا من المجرم.. طيب اللي ماسك التليفون بيصور الجريمة وهى بتحصل هو في إيه ولا في إيه؟ جاب منين القدرة على مسك الموبايل وتصوير المشهد وهو بيحصل.. الفكرة أصلًا خطرت على باله إزاي.
واستكملت ريهام حجاج معربة عن شعورها بالأسف، قائلة: بصراحة.. مذبحة الإسماعيلية هي إنعكاس للي وصلناله في هوس السوشيال ميديا اللي تخلي واحد يهمه أنه يصور اللي بيحصل أكتر مايهمه إنقاذ الضحية!! للأسف التكنولوچيا على قد ما أدتنا حاجات على قد ماموتت مشاعرنا وإنسانيتنا، ولسة بيقولك ميتاڤايرال.. أحنا استكفينا تكنولوچيا.. أحنا محتاجين إنسانية وشهامة ومبادئ وطيبة ورحمة وأخلاق وضمير.
