ويجز يُعلق على أعداد جمهور حفله الأخير بالتجمع الخامس: نمل
علق مغني الراب ويجز على حفله الأخير بمركز المنارة في التجمع الخامس، والذي أثار جدلا كبيرا بين مستخدمي مواقع التواصل الاجتماعي بسبب أعداد الحضور الهائلة.
وقال مغني الراب ويجز في مداخلة هاتفية له مع الإعلامية شافكي المنيري ببرنامج التاسعة: عندما علمت بوجود هذا العدد من الجماهير في الحفل حمدت ربنا واتبسطت واتخضيت.
وأضاف ويجز: كنت شايف العدد طبعًا، لكن لما شفته من فوق، ده نمل، الحمد لله قدرنا نمشي اليوم بالتنظيم ده، كان فيه طاقة حلوة والناس كلها كانت واقفة عاوزين يسمعوا والشريحة اللي بتسمعني من سن 16 لحد 40 سنة.
وتابع ويجز: أنا بغني لكل الناس لأن السن ده كله مشاكله كلها قريبة من بعض غير كده بنعمل مزيكا متنوعة بخلاف المزيكا اللي كلها غالبًا بتتكلم عن ولد جرح بنت أو العكس، الراب يتحدث عن الواقع، أنا ممكن اكتب عن علاقتي بأخويا مثلًا وأنا مبسوط بنجاح الراب رغم إني كنت بتهاجم في الأول.
آخر أعمال ويجز
يشار إلى أن آخر أعمال ويجز أغنية كيفي كده، بالتعاون مع ديسكو مصر، والتي تخطى عدد مشاهداتها 6 ملايين منذ طرحها، عبر قناته الرسمية على يوتيوب.
