ويجز: أنا مبسوط لأني كنت بتهاجم الأول لكن دلوقتي الفنانين بيكلموني يباركولي
قال مغني التراب ويجز، إنه سعيد بردود الأفعال على أغانيه خلال الفترة الحالية، مشيرًا إلى أنه في البداية كان يتعرض لهجوم شديد، ولكن الآن لم يعد كذلك.
وتابع ويجز خلال مكاملة هاتفية ببرنامج التاسعة، والمذاع عبر شاشة الفنانة الأولى: أنا بصراحة دلوقتي مبسوط قوي، عشان أنا كنت بتهاجم في الأول، ولكن الآن كل الفنانين بيكلموني يباركوا لي.
وأضاف ويجز: وكل حد بيقول لي المزيكا حلوة..إحنا زمان ماكناش أشطر ناس كنا بنحاول نعمل مزيكا ولكن ليست الأفضل، ثم بدأنا نفهم والمزيكا بدأت تبقى أحسن وتطورنا وبقينا خبرة أكثر من السابق.
مغني التراب ويجز
كما تحدث ويجز عن جمهوره خلال حديثه في المداخلة الهاتفية ببرنامج التاسعة قائلًا:أنا جمهوري من 16 لحد 38، أو 40 سنة، وممكن الأكبر من كده بدأوا يسمعوا.
ويجز
وأضاف ويجز: الراب نجح لأن كل رابر بيتكلم عن نفسه، والموضوع به بعض الجرأة، لما شخص تاني بيسمعها بيحبه ويتعلق بيه، المزيكا بتاعتنا أجرأ والمزيكا أفرح، وفيها صراحة مع الفانز بتوعنا..أنا بغني لكل شخص لأن في الفترة دي المزيكا متنوعة جدًا.
