طالب متعافى من السرطان: نفسي أقابل الرئيس السيسي وأحكيله عن أصحابي الأبطال في 57357
عبر محمود سامح، طالب بالصف السادس الابتدائي، بمدرسة كلية السلام لغات، بإدارة الزيتون بالقاهرة، والمتعافى حديثًا من مرض السرطان، عن حلمه بلقاء الرئيس السيسي، وحضور منتدى شباب العالم معه؛ ليحكي له عن أصدقائه الأبطال في مستشفى 57357.
وكتب سامح، عبر صفحته على موقع التواصل الاجتماعي فيس بوك: من أول ما تعبت بالسرطان، ماما وبابا فهموني إن ربنا كده بيحبني، ولازم أتحمل كل حاجة، عشان ربنا ميزعلش منيّ، كنت صغير قوى عندي 5 سنين وقتها.
أضاف سامح: الحمد لله أنا مكمل، وشايف إني بطل، وعملت 50 عملية، ومبقاش عندي غير رجل واحدة، بس أنا كملت، وركبت جهاز، وبقيت بطل في الفروسية، وحققت جزءا من الحاجات اللي بحبها، وبحلم بيها، وفرحان قوي عشان معايا أصحابي، وبابا وماما وأهلي والدكاتره اللي بحبهم، وناس كتيرة بحبها، وكمان المدرسة بتاعتي.
وعن حلمه بلقاء الرئيس، كتب الطالب: أنا نفسي أخف، وأبقي بطل عالم، وكمان نفسي أشوف الرئيس السيسي، وأحضر معاه منتدى شباب العالم، واتكلم معاه عن أصحابي الأبطال في 57357، متابعا: بفضل أدعي كل يوم لربنا عشان أكون كويس، وأخف من السرطان.
