نادين نسيب نجيم عن طلاقها: مش عايزة أتكلم علشان أولادي يعيشوا في أمان
تحدثت الفنانة نادين نسيب نجيم، عن مخاوفها التي تحدتها في حياتها، ورغم أنها كانت تخشى هذه الأشياء؛ لكنها فعلتها، ومنها طلبها للطلاق.
وقالت الفنانة نادين نسيب نجيم، في لقاء لها مع الإعلامية منى الشاذلي، ببرنامج معكم: الطلاق كان واحدا من مخاوفي، لكن لقيت إني وصلت لمكان مسدود، ولازم آخذ قراري، وكل امرأة عندما تكون مطلقة، خصوصا لو هي اللي طلبت الطلاق؛ لازم تحارب، والأب بيستخدم ولاده كسلاح ضغط عليها، بس هي لازم تكون قوية.
وأضافت الفنانة نادين نسيب نجيم: أنا لا أحب القيل والقال، مع أنه حتى اليوم، تروَّج عني الشائعات بخصوص هذا الموضوع، وأسبابه، لكن أنا اللي عملته، واللي لسه بعمله، هو إني ساكته عن حقي، مع إني ممكن أطلع أقول الحقيقة؛ لكن بسأل نفسي.. هكسب إيه؟ هشوِّه سمعة شخص؟، طب وبعدين؟، أنا ساكته مش عشان ضعيفة؛ لا، عشان أنا بحترم ولادي، وبحبهم، ومش عايزة تبقى سيرتهم على كل لسان.
طلاق نادين نسيب نجيم
وتابعت نادين نسيب نجيم: لو أنا طلعت وقولت اللي عندي؛ الناس هتنسى، بس ولادي مش هينسوا، ومش هيعيشوا في أمان، أنا يهمني إني عندي الحقيقة والمحكمة عارفة الحقيقة، وولادي عارفين الحقيقة، أنا لا أحارب؛ لأن القوي لا يحارب الضعيف اللي بيحارب، اللي بيحاربوا هما الضعفاء، لكن أنا كنت واخدة قرار إني لما هطَّلَّق، أنا فقط اللي هختار طريقي، وقررت إني هعيش سعيدة أنا وولادي غصب عن الكل.
