أحمد السقا: لما فكرت أختار بين التمثيل والكورة جالي رباط صليبي
كشف الفنان أحمد السقا، كواليس اليوم الذي اتخذ به قرار بدء مشواره الفني، وسبب ابتعاده عن كرة القدم وعدم استكمال مشواره الكروي، خاصة وأنه تدرب في كل من النادي الأهلي ونادي الزمالك، وأشرف على تدريبه أكبر نجوم الساحة الرياضية.
وقال السقا، خلال حواره مع المذيعة أسما، في برنامج حبر سري المذاع على شاشة قناة القاهرة والناس، أن السبب وراء عدم استكمال مشواره الكروي: أنا لعبت في الأهلي وكان بيدربني كابتن إبراهيم عبد الصمد، ولعبت في الزمالك كان بيدربني كابتن محمد صلاح، وكابتن سمير محمد علي رحمة الله عليه، واليوم اللي كنت باخد فيه القرار بين التمثيل والكورة كان عندي ماتش المنتخب، فرقة الناشئين بتلاعب الترسانة عشان رايحين كأس العالم اللي اتلعب في البرتغال، في اليوم ده الجون دخل برجله في ركبتي الشمال جابلي رباط صليبي.
كما وجه السقا، رسالة للاعب كرة القدم شيكابالا قائلا: عايز أقولك يا شيكابالا إن الناس كلها بتحبك سواء من جمهور الزمالك أو من جمهور الأهلي، وإن الدوشة اللي حصلت حواليه الفترة اللي فاتت دي مجرد حاجات بتخرجه برا تركيزه، لكن جمهور الأهلي جمهور مثقف ومحترم وعلى أعلى درجات الوعي، وأكيد بيحترموا لاعيب زي محمود عبد الرازق شيكابالا.
أما عن لاعب الأهلي الشهير بـقفشة فقال: مجدي قفشة ده فلتة، ما شاء الله، الله أكبر ربنا يحميه، مصر فيها كمية لاعيبة حريفة اللي منعرفهمش أو اللي في الظل أكتر من اللي في النور، بس شكل الإدارة للاعيبة وتبدأ من التأهيل النفسي، واللياقة، أنا بتفرج على كل المتشات حتى دوري الدرجة الثانية.
