البنات عايزة تركب الموجة.. نص تحقيقات اتهام الفنان شادي خلف في قضية هتك عرض 7 فتيات
كشفت التحقيقات في واقعة اتهام الفنان شادي خلف بـ التحرش وهتك عرض 7 فتيات، في إحدى ورش التمثيل الخاصة به، تفاصيل مثيرة في القضية التي أثارت ضجّة واسعة عبر مواقع التواصل الاجتماعي، خاصة بعد ظهوره في قفص الاتهام، بأول أيام محاكمته بتهمة هتك عرض ومحاولة اغتصاب 7 فتيات.
وينشر القاهرة 24، نص التحقيقات في القضية، حيث جاءت اعترافات المتهم الفنان شادي خلف كالتالي:
س: ما طبيعة علاقتك بمن تدعى مريم وهل من ثمة خلافات؟
ج: هي مريم العطار، كانت تلميذة عندي في ورشة التمثيل، وبعد ما خلصت الورشة مبقاش في تواصل بينا ومفيش خلافات
س: ومتى تحديدا قامت سالفة الذكر بالدخول لمجال التدريب باستوديو ذات؟
ج: هو أنا غير متذكر تحديدا بس اعتقد تقريبا من شهر 2020/9 حتى شهر 2021/12.
س: وما هو كيفية دخول سالفة الذكر إلى استوديو ذات؟
ج: هي زيها زي أي حد قدمت طلب وعملت إنترفيو واتقبلت ودخلت ورشة تمثيل.
س: ومن الذي كان يشرف على تدريب سالفة الذكر؟
ج: أنا والمساعدين بتوعي وهما كل من حاتم وأحمد.
س: وما هي بيانات سالفة الذكر ومحل إقامتها ورقم هاتفها المحمول ؟
ج: أنا معرفش غير أن اسمها مريم، ومعرفش ساكنة فين، بس هو رقم موبايلها معايا، عشان كتير من التلاميذ يكلموني عشان يسألوني عن مشروع التخرج بتاعهم، بعد ما يخلصوا ورشة التمثيل لأن أنا بعمل مشروع التخرج في آخر كل ورشة.
س: ما قولك فيما نشرته سالفة الذكر على موقع التواصل الاجتماعي فيسبوك، وهي:
من فترة طويلة قررت اتعلم التمثيل - الهواية الأجمل والأقرب لقلبي واللي تأخرت كتير قوي، وبالتالي أول ما لقيتها اخدتها بالحضن، المهم روحت ستوديو كدا مشهور قوى مش هقول اسمه اتدربت مع مدرب كدة مشهور هموت وأقول اسمه، وارتبطت بالمكان ده إلى الحد اللي خلاني بعتبره بيتي الأولاني مش التاني، وتعلمت هناك من الإنسان ده معاني كثير قوي لو المدرب ده كان عمل ربعها كان زمانه بقى راجل محترم، أو بقى راجل في المطلق.
المهم أنا بالتبعية كنت برشح المكان ده لأي حد عاوز يتعلم تمثيل ويرشح الإنسان دا كمدرب محترم وصديق وفي وأخ كبير، وعدت الأيام واكتشفنا أنا وشوية الطلبة والطالبات السذج المنبهرين، إن الراجل دا كدبة كبيرة وما هو الا سلسلة من حوادث التحرش المتتالية، والخداع المتواصل والتلاعب ببني آدم، أو بالتحديد بناته فبعد ما اتأذى بعضنا نفسيا والبعض الآخر جسديا علما بأن بعضنا دا مش اثنين ثلاثة دول شلة ناس من أقرب الاقربين لقلبي اللي ما فيش للكدب والحوارات بينا مكان، ولا الضمير لو ما قلتش بصوت عالي قوى أنا ما بقيتش بدعم الإنسان دا ولا تربطني، به صلة ولا بقيد، انا اتعرضت لحوادث تحرش كتير قبل كده بس دی كانت أول مرة تكون من شخص قريب منى وشخص كنت بثق فيه وللأسف لحد دلوقتى بسمع عن بنات ثانية ده استغلهم برضه انا كنت باخد ورشة تمثيل مع الممثل في ستوديو في 2018، كان دايما حریص أنه يخلى المكان مريح لينا عشان تعرف نعبر عن نفسنا وتحكى حاجات شخصية، بس للأسف كان بيستخدم ده لمصلحته عشان يتحرش بالبنات وهي محددتش موقف معين، أنا عملت فيه حاجة غير إن هي مريم كانت كاتبة بوست شكر آنها اتخرجت من المكان ده اللي هو استوديو ذات.
ج: الكلام ده محصلش، وهو كلام عام غير محدد، وأنا ما تحرشتش بحد، ولو هتحرش بحد هعمل كدة إزاى والناس موجودة.
س: وما تعليلك إذا لما قامت بنشره سالفة الذكر؟
ج: أنا مليش تعليق غير أن هي بتحاول تركب الموجة وعشان تنشهر وتعمل فلور کثیر.
س: ما طبيعة علاقتك بمن يدعى عبد الرحمن م.. وهل من ثمة خلافات؟
ج: عبد الرحمن كان يعمل مونتير في استوديو ذات، ومشي، وفي خلافات قبل ما يمشي.
س: وما هي طبيعة تلك الخلافات؟
ج: هي كانت خلافات على الأجر الخاص به، وأيضا عشان كان في شغل المفروض يعمله وعايز يمشي في نص الشغل وده هيأثر على الشغل.
س: وما هو تحديدا طبيعة عمل سالف الذكر باستوديو ذات؟
ج: هو كان شغال مونتير ومونتير يعني بيمنتج مشاريع التخرج الخاصة بالمتمرنين في ورشة التمثيل باستوديو ذات.
س: وهل من ثمة عقود تم تحريرها حال عمل سالف الذكر؟
ج: هو كل اللي شغالين ملهمش عقود وببيقى الاتفاقات شفهي بيني وبينهم، وده متعارف عليه في مجال التمرين على التمثيل
س ومتى تحديدا قام سالف الذكر بالعمل باستوديو ذات؟
ج: أنا غير متذكر تحديدا بس اعتقد تقريبا ابتدى يشتغل معايا في عام 2017 ومشي في عام 2019، وغير متذكر الشهر
س: وما هي بيانات سالف الذكر ومحل اقامته ورقم هاتفه المحمول ؟
ج: أنا معرفش غير ان اسمه عبد الرحمن م، ومعرفش ساكن فين وأنا غيرت تليفوني من نحو سنتين، وهو من ساعة ما ساب الشغل حصل خلاف ومفيش تواصل بيني وبينه، ورقم تليفونه مش معايا لأنه من ساعة ما ساب الشغل هو ابتدي يشهر بيا زي باقي الناس اللي راكبة الموجة ضدي.
س: ما قولك فيما نشرته سالف الذكر على شبكة المعلومات الدولية السابق تسلسلهم وهي: استوديو ذات مكان غير أمن للسيدات.
والذي قال: أنا لسه مكتشف الموضوع ده من أيام قليلة، وحقيقي كنت مصدوم لما عرفت واتصدمت أكثر لما لقيت ناس كتير عارفة وساكتة، هو شخص أنا كنت بتعامل معاه، واشتغلت معاه نحو سنتين ونص في مكان واحد، هو مدرب تمثيل وبيعمل ورش ثانية في الاستوديو بتاعه، وهو متحرش واتحرش ببنات كثير أعرفهم شخصيا وحكوا لي تجاربهم مش هاقدر أقول أو أعمل حاجة غير لما هما يبقوا عايزين يصرحوا أو يقولوا ده، وده هيحصل قريب جدا فياريت تتكلموا عشان هو مستمر لسه في الموضوع ده ولسه بيعمل كدة، وبطرق مقرفة وبيستغل تمارين التمثيل في إنه يعمل كده أنا حسيت إن دوري أو واجبي إني أحذر الناس منه، وابتديت بالبنات اللي أعرفهم وحذرتهم وجزء منهم قرر ياخد حذره ويوقف تعامل معاه اتكلمي، أنا بدعمك وكل الناس هاتدعمك ولازم كل الناس تعرف عشان ياخد جزاءه عشان الموضوع حقيقي مقرف وانا اسف لكل واحدة مرت بالتجربة دي.
ج: أنا معرفش غير أمن للسيدات، إزاي للسيدات والرجالة يوميا فيه.
