إيمي طلعت زكريا عن وصية والدها لـ هاني رمزي: محدش كان يعرف إنه تعبان
كشفت الفنانة إيمي طلعت زكريا، حقيقة وصية والدها الفنان الراحل طلعت زكريا، للفنان هاني رمزي، والتي تفيد بعمل جزء ثان من فيلم غبي منه فيه.
وقالت إيمي طلعت زكريا، في تصريح خاص لـ القاهرة 24، إنها لا تعلم في أي وقت أوصى والدها بتلك الوصية، خاصة وأن الفترة الأخيرة في مرض والدها لم يزره أحد، معقبة: مفيش أي غلط في كلام الفنان هاني رمزي، بس أكيد بيتكلم عن المرض الأول اللي كان من 12 سنة، مش وقت ما توفى، آخر مرة دي مكنش حد يعرف أصلًا إنه تعبان، مش عايزة يكون في مزايدة خالص على بابا ولا على كلامه.
وفي سياق متصل، تحدث الفنان هاني رمزي في وقت سابق عن وصية الفنان الراحل طلعت زكريا، خلال لقائه في برنامج Back Stage، قائلًا: لما تعب وهو على فراش المرض دخلتله وقالي يا هاني بحلفك لو ليا غلاوة عندك، أعمل الجزء التاني من غبي منه فيه، عشان الناس بتحبه.
وتابع هاني حديثه: قولت له إن شاء الله تقوم بالسلامة ونعمله سوا، قالي لأ، لو أنا مقدرتش أعمله أعمله أنت، أنا هفرحلك.
