اعتاد التحرش بالفتيات بشكل مَرَضي.. اعترافات الفنان شادي خلف في اتهامه بهتك عرض 7 فتيات
كشفت التحقيقات في واقعة اتهام الفنان شادي خلف بالتحرش، وهتك عرض 7 فتيات في إحدى ورش التمثيل الخاصة به، تفاصيل مثيرة في القضية التي أثارت ضجّة واسعة عبر مواقع التواصل الاجتماعي، خاصة بعد ظهوره في قفص الاتهام في أول أيام محاكمته بتهمة هتك عرض ومحاولة اغتصاب 7 فتيات.
اعترافات الفنان شادي خلف
ويواصل القاهرة 24 نشر التحقيقات في القضية، حيث جاءت اعترافات المتهم شادي خلف كالتالي:
س: ما تعليلك إذًا لما قام بنشره سالف الذكر؟
ج: هو أنا مليش تعليق غير أن هو بردوا بيحاول يركب الموجة، وعشان كان فيه خلافات على الأجر قبل ما يمشي.
س: ما طبيعة علاقتك بمن تدعى ك.أ؟ وهل ثمة خلافات؟
ج: هي كانت تلميذة عندي في ورشة التمثيل، وبعد ما خلصت الورشة ما بقاش في تواصل بينا ومفيش خلافات.
س: متى تحديدًا قامت سالفة الذكر بالدخول لمجال التدريب باستوديو ذات؟
ج هو أنا غير متذكر تحديدا، بس أعتقد تقريبا من عام 2017 في آخره، مش فاكر الشهر بالضبط، وهي كانت من أوائل الناس اللي دخلوا ورشة التمثيل.
س: وما كيفية دخول سالفة الذكر إلى استوديو ذات؟
ج: هي زيها زي أي حد، قدمت طلبا وعملت إنترفيو واتقبلت ودخلت ورشة تمثيل.
س: ومن الذي كان يشرف على تدريب سالفة الذكر؟
ج: هو أنا وكان وقتها معييش مساعدين.
س: وما بيانات سالفة الذكر ومحل إقامتها ورقم هاتفها المحمول؟
ج: ما عرفش ساكنة فين بالضبط، بس تقريبا في ميدان الحجاز بمصر الجديدة ومش معايا رقم موبايلها.
س: ما قولك فيما قامت بنشره سالفة الذكر على شبكة المعلومات الدولية الصحيفة 6 السابق تسلسلهم وهي استوديو ذات مكان غير آمن للسيدات؟
ج: هو الكلام ده محصلش، وهو استوديو ذات مكان آمن للسيدات والرجالة، وده كلام عام في المطلق.
س: وما تعليلك إذًا لما قامت بنشره سالفة الذكر؟
ج: هو أنا مليش تعليق غير أنها تحاول تركب الموجة.
س: ما طبيعة علاقتك بمن يدعى ش.ع، وهل كان ثمة خلافات؟
ج: كان يعمل مدرب أداء حركي في استوديو ذات ومشي ومفيش خلافات.
س: ما طبيعة عمل سالف الذكر باستوديو ذات؟
ج: هو كان شغال مدرب أداء حركي المتمرنين في استوديو ذات وبيمرنهم إزاي التمرين يتحرك، ويستخدم جسمه أثناء التمثيل بشكل مُعبر.
س: هل ثمة عقود تم تحريرها حال عمل سالف الذكر؟
ج: هو زي ما قلت قبل كده مفيش عقود وهو بيبقى زي اتفاق شفهي.
س: ومتى تحديدا قام سالف الذكر بالعمل باستوديو ذات؟
ج: هو كان جاي بشكل مؤقت لورشة واحدة لمدة أسبوعين تقريبًا وابتدأ شغل من منتصف شهر 2021؟
س: وما بيانات سالف الذكر ومحل إقامته ورقم هاتفه المحمول؟
ج: هو أنا معرفش غير اسمه ومعرفش ساكن فين.
تحرش بأصدقاء البنات
س: ما قولك فيما قام بنشره أحد العاملين السابقين بورشة التمثيل الخاصة بك في ستوري له عبر شبكات التواصل الاجتماعي، والتي جاء نصها: في 2 متحرشين بيستغلوا مكانتهم وشغلهم واتحرشوا بعدد كبير جدا من البنات، وأنا بقى لي سنين مُتردد إني أتكلم، لأن كمان البنات اللي اتعرضوا لده خايفين يتكلموا لأسباب مختلفة، بس في صديق اتكلم وشجعني إني أتكلم.. أول واحد ده مُدرب تمثيل مشهور عنده استوديو، وله سمعة أنه شخص كويس ومحترم جدا، والمدرب ده في 3 بنات حكولي إنه اتحرش بيهم، والثلاثة مايعرفوش بعض، وحصل معهم في أوقات مختلفة.
ج: أول بنت كنا بنتدرب سوا في الاستوديو، وسافرت وفضلت فترة ماروحش المكان، والبنت احتاجت سنتين تقريبا عشان تقدر تحكي لأنها اتأذت نفسيا جدا.. أول مرة أقابلها كانت أمها معاها في الاستوديو، وقالت لي: ماما خايفة عليا، ومتخيلة حاجات مش كويسة عن المكان، وعايزة تطمن عليا، وللأسف أنا بنفسي طمنتها، وفضلت سنتين ماروحش الاستوديو بسبب الموضوع ده.
أما ثاني بنت، فقد حضرت إلى الورشة، وبعدها بقينا أصحاب، وقفلت من المكان لاقيتها بتقولي إنه اتحرش بيها هي كمان، وقالتلي اتعامل عادي لأن البنات عارفين بيتعاملوا عادي بعدها بفترة كبيرة، رُحت عملت ورشة هناك وماكنتش مرتاح بسبب اللي حصل.
وبسؤاله عن استوري آخر تكملة للمنشور، جاء فيه: بنت برضه بتحضر أي ورش وفي آخر ورشة سألتني عن الأماكن اللي دربت فيها، وأول ما جت سيرة الاستوديو ده اتعفرتت وقعدت تشتم في الشخص والمكان، وإنه اتحرش بيها، وعمل كده مع بنات كثير جدا في مواقف معينة بيخلي البنات في حالة صدمة وشلل تام، وهنا أنا عرفت أن الموضوع مش حادثة ولا اتنين؛ ده طلع بيعمله بشكل مرضي، وندمت إني رُحت واتعاملت مع المكان ده.
في حين أن الثاني بقى؛ ده مُدرب ومصمم رقص معروف فعليا، مفيش بنت قابلها ماحاولش معاها، وسمعته معروفة للوسط الفني كله وفي صديقة قالتلي إنه اتحرش بيها، وسمعت عنه قصص تحرش واغتصاب من أصدقاء مشتركين مع بنات من الوسط الفني، وأنا وهو مقاطعين بعض من سنتين لأني حذرت صديقة كانت على علاقة به من سمعته، وحصلت مشكلة كبيرة وهي راحت قالت له وقاطعني.
ونوه صاحب الاستوري في نهاية المنشور: ملحوظة اللي هيخش يدافع عن المتحرشين دول أو يغلط في البنات اللي حصل لها كده هاقطع علاقتي بيه من غير ما أرد.
أجاب: هو كلام في المطلق، وهو قصده على مين معرفش، ولو هو ماشي مع الموجة، فقصده على مين الثاني، ولو على فرض إنه مُوجه ليا فهو الكلام ده محصلش، وهو مقالش ليه الكلام ده من ساعة ما مشي غير أنه يركب الموجة.
