هاني شنودة: حبسوني عام 66 لاعتباري عضوًا في جماعة الإخوان
كشف الموسيقار هاني شنودة، عن واقعة تعرض لها في بداية حياته الفنية، مشيرا إلى حبسه في السجن عام 1966 وذلك لاتهامه بالانضمام لجماعة الإخوان المسلمين.
وكتب هاني شنودة، تغريدة عبر حسابه الشخصي بموقع التغريدات القصيرة تويتر، قائلا: نسيت أقولكم حاجة مهمة في تاريخي.. تم حبسى عام 66 على اعتبار أنني عضو جماعة الإخوان المسلمين ببساطة وقتها لم يعنى للمسؤولين إن اسم شنودة هو اسم قبطى.
تفاصيل تكريم هاني شنودة
وعلى جانب آخر، أعرب هاني شنودة، عن سعادته البالغة بتكريمه في حفل افتتاح الدورة الـ 13 من مهرجان القاهرة الدولي للجاز.
وقال هاني شنودة لـ القاهرة 24: مكنتش متوقع تكريمي لحد ما قالو لي، وطبعًا هما فاهمين إن ليا علاقة بالجاز لما كنت بلعب غربي زمان ودا سبب التكريم، أنا في منتهى السعادة لأنهم أخدوا بالهم من اللي قدمته قبل فرقة المصريين.
وردًا على سؤال سبب تأخر تكريمه، أوضح هاني شنودة: متأخر أحسن من بلاش، لكن مفيش حاجة اسمها متأخر، والنجاح اللي حققته فرقة المصريين في المبيعات، تدل إن المصريين شعب ذواق وبيفهم ومالوش دعوة بالتجارب الجديدة والكلام اللي بيتقال من النقاد اللي بيكركبوا الدنيا، والحاجة الحلوة بتعجب الناس وخلاص.
