ضربتني بالقلم وشتمتها زي ما شتمتني.. اعترافات المتهم بالتحرش بفتاة وسط البلد | خاص
برزت قضية متحرش وسط البلد على منصات التواصل الاجتماعي خلال الفترة الأخيرة، حيث ادعت فتاة تدعى يوستينا تعرضها للتحرش على يد شاب بوسط البلد، خلال مرورها في شارع 26 يوليو، لتكون جريمة جديدة تضاف إلى سجلات المتحرشين.
ويواصل القاهرة 24 نشر التحقيقات في واقعة التحرش بفتاة بعد التعدي عليها لفظيا وجنسيا وضربها في شارع 26 يوليو، في القضية المعروف إعلاميا بـ متحرش وسط البلد في القاهرة، حيث استمعت جهات التحقيق إلى إحدى الضحايا.
اعترافات طالب تحرش بفتاة وسط البلد
س: ما الذي حدث بظروف ضبطك لتكون أمامنا الآن؟
ج: اللي حصل كنت ماشي بعربيتي في شارع 26 يوليو رايح على الزمالك عشان أجيب فلوس لوالدتي عندها أزمة مرض السكر وأنا ماشي في بنت إيديها خبطت في المرايا من ناحيتي في أثناء أنا سايق قولتها مش تحاسبي، لكنها قالت كلام وأنا ماسمعتوش بعدها قولتها عيب كدا إنتي إنسانة محترمة عيب اللي بتقوليه ده، وبعدها شوحت بإيدها فنزلت ليها وقعدت تزعق وراحت أمها ضربتني بالقلم على وشي وبنتها ضربتني برجليها في مكان حساس وشتمتني بلفظ عيب فرديت الشتيمة والناس اتلمت وقعدت أزق في الناس وروحت ولقيت مباحث بولاق طلبوني عشان المشكلة وبعدها جبوني النهارده على النيابة ده كل اللي حصل.
س: ما سبب تواجدك في محل الواقعة آنذاك؟
ج: كنت معدي بالعربية راحي اجيب فلوس من واحد صحبي علشان أحجز في العيادة عند الدكتور لأنها كانت تعبانة.
س: من كان رفقتك؟
ج: كنت لوحدي.
س: ما صلتك المجني عليها يوستينا أيوب ووالدتها فلورانس؟
ج:انا معرفهموش ما فيش أي علاقة بينا غير يوم الواقعة.
س: ما قولك في سب الأولى سالفة الذكر بألفاظ خادشة للحياء حال وجودهم بشارع 26 يوليو خلال شراء نظارة من أحد الجائلين؟
ج: أنا معرفهاش علشان أشتمها إلا لما لقتها خبطت المرايا قولتها مش تاحسبي لقيتها بتشوح وأنا كنت بتكلم معاها من باب الزوق وقالت كلام أنا مسمعتوش نزلت الزجاج السيارة وقولت ليها عيب كدا فبدأت الشتيمة ونزلت لقيت والدتها ضربتني بالقلم على وجهي وهي ضربتني في مكان حساس بالشلوط.
