نيللي كريم: عمري ما قلت لأ لحد عاوز يتصور معايا.. وزوجي اعترض على الهرجلة
أوضحت الفنانة نيللي كريم، أنها لم ترفض مطلقا خلال مشوراها الفني التقاط الصور مع معجبيها، مستنكرة موجة الهجوم التي طالتها وزوجها من قبل رواد مواقع التواصل الاجتماعي خلال الأيام القليلة الماضية عقب تكريمها في مهرجان أيام قرطاج السينمائي.
وقالت نيللي، في مداخلتها الهاتفية مع الإعلامي شريف عامر، في برنامجه يحدث في مصر: أنا من الناس اللي لما حد يجي يتصور معايا من أكبر واحد لأصغر واحد، عمري ما بقول لأ، بس لما خلص المهرجان وخرجنا كلنا، في هجوم حصل عليا، وأنا كنت لابسة فستان طويل وناس داست عليه، والفستان اتقطع، وفي حد زقنى عشان يتصور معايا، وإحنا خارجين من القاعة مكنش في رجال حراسات معايا وزوجي كان بيحميني، أنا فعلا خرجت من القاعة عايزة أركب العربية وأروح الأوتيل، اعتراض زوجي كان على الهرجلة مش الجمهور.
وأضافت: الناس اللي تعرفني على المستوى الشخصي، أول اللي اشتغلت معايا على المستوى المهني، عارفين إن نيللي كريم مش شخص بيبقى له طلبات في أي حاجة، يعني أنا طلباتي على قد الشغل ومعنديش طلبات سواء في الشغل أو في السفر.
وفي سياق متصل، قال مصدر مقرب من الفنانة نيللي كريم، في تصريح خاص لـ القاهرة 24، إن انفعال هشام عاشور على معجبي زوجته كان سبب محاولة طلب التقاط الصورة معها بطريقة غير مهذبة خاصة أنه حاول لمسها: حط إيده على وسطها عشان ياخد الصورة وهنا انفعل هشام ومرضيش تتصور معاه الصورة مش عشان رافض تتصور مع جمهورها ولكن الطريقة نفسها غير محترمة، وفستانها اتقطع من تدافع الجمهور.
