عبير صبري تنتقد منع مطربي المهرجانات من الغناء: إحنا مش في درس تربية قومية
عبّرت الفنانة عبير صبري عن رفضها لقرار نقابة الموسيقيين بإيقاف 19 مغني مهرجانات منهم حمو بيكا وحسن شاكوش وغيرهما.
وكتبت عبير صبري عبر صفحتها بموقع فيسبوك: مش عاجبني قرار وقف مطربي المهرجانات نهائي وهو قرار ظالم ومش هينجح لأن اللون ده محبوب وموجود وله جمهور كبير جدا داخل وخارج مصر والناس بتحبهم جدا ومينفعش لون غنائي يحظر إحنا مش في درس تربية قومية.
وأضافت عبير صبري: الناس أحرار فيما تسمع وتشاهد، وإذا كان فيه خطأ نقابي يتحل معاهم مش تتعمل مذبحة على الناس اللي بتقدمه المهرجانات لون مفرح ومبهج والناس بره في كل مكان سافرته أول ما أغنية مهرجان بتتسمع الدنيا بتبقى سعادة وفرح للناس.
كما قالت الفنانة عبير صبري: فيه فنانين من كل الدول بقت بتاخد شبه أغانيهم وتقلدها لأن الناس حباها، أنا ضد منعهم وضد منع أي فنان من عمله.. سيبوا الناس تشتغل والجمهور يفرز ويختار بيسمع إيه ومين وبلاش تكونوا أوصياء على الناس.
وكانت نقابة المهن الموسيقية، برئاسة هاني شاكر، أصدرت بيانًا يتضمن أسماء 19 مغني مهرجانات تم إيقافهم ومنعهم من إحياء حفلات في مصر، بسبب عدم حصولهم على تصريح من نقابة المهن الموسيقية من الأساس، حيث تم وضع أسماؤهم، وإرسالها إلى الفنادق والمنشآت السياحية حتى لا يتعاقدون معهم على إحياء حفلات.
وتضم قائمة الممنوعين: حسن شاكوش، حمو بيكا، مجدي شطة، الصواريخ، مسلم، عصام صاصا، عنبة، ولاد سليم، ريشا كوستا، فيلو، مجدي شطة، شواحة.
