عادل شكل: نفسي أي منتج سينما يديني فرصة دقيقة واحدة في فيلم | فيديو
علق عادل شكل على قرار نقابة المهن الموسيقية، بإيقافه برفقة عدد من مطربي المهرجانات، في فيديو بث مباشر عبر موقع القاهرة 24.
وقال عادل شكل، إنه يتمنى أن تتاح له الفرصة للظهور وإثبات موهبته، وإذ لم ينجح سيمتنع عن تقديم فيديوهات نهائيًا، معقبًا: منتظر دقيقة من أي منتج، وأتحدى أي منتج من خلال دقيقة هرتجلها وأنا متأكد الناس هتديني فرصتي بعد كده.
وأضاف شكل: أنا شغلي ارتجالي غير عادي، وأسلوبي بيموت الشعب المصري من الضحك، وبتمنى آخد فرصة وأظهر على شاشات السينمات وده اللي بتمناه من ربنا.
وتابع مطرب المهرجانات: المهرجانات هي اللي ماشية اليومين دول، جيب أغنية قديمة ومهرجان ونزلهم في نفس الوقت وشوف، المهرجان اللي هينجح، وأنا قدمت 8 مهرجانات وأنا مش مؤدي بطلع أعمل فيديوهات بس، نفسي أتصور صورة مع الفنان هاني شاكر نقيب الموسيقيين، وأحترم قراراته اللي يقول لفظ خارج في المهرجان يتشطب على طول.
يُشار إلى أن نقابة المهن الموسيقية قررت أمس الثلاثاء في بيان صادر لها، منع عدد كبير من مطربي المهرجانات من العمل بقرار جماعي من مجلس النقابة، وتضم الأسماء الممنوعة حمو بيكا، حسن شاكوش وتقرر إلغاء التصريح السنوي لهما، كزبرة وحنجرة، مصطفى زكريا محمد على الشهير بمسلم، أبو ليلة، أحمد قاسم الشهير بفيلو، أحمد موزة، حمو طيخا، ريشة كوستا، سمارة، شواحة، ولاد سليم، العصابة، الزعيم، علاء فيفتي، فرقة الكعب العالي، مجدي شطة، وزة مطرية، شكل، عمرو حاحا.
