أحمد فهمي عن أزمته مع شيكابالا: لو رديت عليه هيبقى شغل عيال صغيرة
علق الفنان أحمد فهمي، على المشاجرة التي وقعت بينه وبين محمود عبدالرازق شيكابالا لاعب نادي الزمالك، وتصريحاته السابقة بشأن توسطه لشيكابالا حتى يذهب للأهلي.
وقال أحمد فهمي خلال لقائه في برنامج حبر سري عبر قناة القاهرة والناس: إحنا كنا صحاب جدًا، وأنا مش حابب انفخ في النار.. خناقة زي دي مش خناقتي، هي خناقة قلبت بين أهلي وزمالك.
وتابع الفنان: إحنا مش أعداء هو مش عدوي والله مفيش حاجة.. فعلا ما غلطناش في بعض والدليل إننا اتقابلنا في فرح نادر حمدي، وبالرغم من أنه اتكلم عليا وحش بس عادي، مش هتكلم في الموضوع ده تاني، لأن كده احنا بننفخ في النار وشغل عيال صغيرة وهو موقف واحد مش متكرر.
وأكمل فهمي: أنا مش شخص مجنون إني أغلط في الناس.. معظم لاعيبة الزمالك صحابي وكلهم بحترمهم، مختتما: شيكابالا اتكلم بشكل غير لائق، وهو بالفعل مضى مع الأهلي قبل كده.
آخر أعمال أحمد فهمي
كانت آخر أعمال الفنان أحمد فهمي مشاركته في فيلم العارف، من إخراج أحمد علاء الدين، وتأليف محمد سير بشير، وشارك فيه مع الفنان أحمد عز ومجموعة كبيرة من الفنانين منهم كارمن بصيبص ومصطفى خاطر ومحمود حميدة.
